বরাক তম্পাক্কী খোমজিনবা পাউ খরা ২৪-০৬-২০১৮

বরাক তম্পাক্কী

খোমজিনবা পাউ খরা

২৪-০৬-২০১৮

নহারোল খোরিরোল সিল্লূপ, অসমগী ৪২শুবা চহীগী মীফম
পাঙথোক্নবগী শেমশাবা  

নহারোল খোরিরোল সিল্লূপকী চহীগী মীফম লোইশিন-থৌরম পাঙথোক্লগনি।
⧭⧪➤  ঙসি জুনগী তাং ২৪দা নহারোল খোরিরোল সিল্লূপ, অসমগী ৪২শুবা চহীগী মীফম লোইশিন-থৌরম পাঙথোক্লগনি। কাছার, লখিপুরদা লৈবা সিল্লূপকী মশাগী শঙলেন্দা পাঙথ্ক্কদবা নুমিৎসিগী থৌরম পরেং মতুং ইন্না অয়ুক ৯-০৫দা ফিরাল চিংখৎলবা মতুংদা অয়ুক পুং ৯-৩০দগী অফোঙবা মীফম হৌগনি। সিল্লূপকী প্রেসিদেন্ট লোংজম গোপেন্দ্রনা মীফম মপু অদুগা লখিপুর সাব-দিবিজনগী ই.এ.সি. মোঃ ৱাদিউল ইসলামনা মীথুংলেন ওইনা শরুক য়াগনি। বরাক ভেলী মৈতৈ কনভেন্সগী পাউতাকলোয় ৱাংখেম শরৎচন্দ্র, আসাম মনিপুরী সাহিত্য পরিষদকী জেনরেল সেক্রেটরী ঙাঙোম বসন্ত কুমার অমসুং মনিপুরী লিটরেরী ফোরাম, আসামগী প্রেসিদেন্ট কৈশাম বিদ্যাপতিনা মীথুং ওইনা থৌরমদা শরুক য়ারগনি। থৌরমগী মরুওইবা শরুক অমা ওইনা নহারোল খোরিরোল সিল্লূপ, অসমনা চহীসিদগী অহানবা ওইনা পীবা হৌগদবা নীংশিং মনাশিংসু য়েন্থোক্কনি। ড. নোংথোম্বম নোনিগোপাল নীংশিং মনা (খোরিরোল) - ২০১৮ অমসুং সোরোকখাইবম মনিকচান্দ নীংশিং মনা (নাৎ) - ২০১৮ মথংশিৎনা কবি আব্দুস সহিদ চৌধুরী অমসুং ৱারী লিবা সৌবাম খোইমু দা পীরগনি। নুংথিলগী সেসন্দা অনৌবা থৌশিল্লূপ শেম্লবা মতুংদা ইলাবন্ত য়ুম্নামনা থৌরম মপু ওইদুনা শৈরেং অমসুং ৱারীমচা পাবগী থৌরম অমসু পাঙথোক্কনি হায়না সিল্লূপকী জেনরেল সেক্রেটরী আব্দুল হামিদকী চেরোলদা ফোঙদোকলি। (www.lakhipuronline.in)

বরাক তম্পাক্কী ইচাউগী ফিভম য়েংশিন্নবা মুখ্যমন্ত্রী ঙরাং থুলখ্রে।

⧭⧪➤  বরাক তম্পাক্কী ইচাউনা অৱা অনা তারবশিংগী ফিভম য়েংশিন্নবগী দমক মুখ্যমন্ত্রী সর্বানন্দ সোনোৱাল ঙরাং করিমগঞ্জতা থুংলখ্রে। ৱাটর রিসোর্সেস্ মন্ত্রী কেশব মহন্ত, উমং লোয়শঙগী মন্ত্রী পরিমল শুক্লবৈদ্য, এমপি রাধেশ্যাম বিস্বাস অমসুং এমএলএ কমলাক্ষ দে পুরকাস্থ গা লোয়ননা মীফম পাঙথোকখি। মতুংদা হাইলাকান্দি জিলাগী ফিভম য়েংশিল্লবা তুংদা মুখ্য মন্ত্রী ঙরাং নুমিদাং শিলচরদা থুংলখি। ইচাউদা অৱাবা নংলবা মীয়ামদা তেংবাং পীননবগী থবক খুদিংমক লৌখৎনবা রাজ্য সরকারনা ওথোরিতি শিংদা হান্না খঙহনখ্রবনি। (www.lakhipuronline.in)

কামরূপকী কোর্ট অমনা এসপি অমবু চহি অনিগী ফাদোক পীখ্রে।

⧭⧪➤ কামরূপকী এদিসনেল দিস্ট্রিক্ট এন্দ সেসন্স জজ্না এসপি অমবু চহি অনিগী ফোদোক পীখ্রে। চহি মঙাগী মমাংদা কস্তদিদা মরাল লৈরে হায়না ফাদুনা থম্খিবা গুরমিত সিং কৌবা মীওই অমবু ফুচৈদুনা ওৎনৈবগী দমক কামরূপকী কোর্ট অসিনা গোৱালপাড়াগী এসিপি অমিতাভা সিনহাবু চহি অনিগী ফাদোক পিখিবনি হায়রি। ইং কুমজা ২০১৩ দা মীহাৎপগী থৌদোক অমদা চেন্নৈ হায়রিবা গুরমিতপু মতম অদুদা গুৱাহাতি ক্রাইম ব্রাঞ্চকী থবক পায়রম্বা অমিতাভা সিনহা মহাক্কী কস্টদিদা ওৎনৈখিবনি হায়রি। কোর্টনা মহাকপু লুপা লিশিং ৫০ গী ফাইন তৌখি অমসুং মাঙোন্দা পিরিবা চৈরাক অদুগী মতাংদা আপিল তৌবা য়ানবা জামিন পিখি।(www.lakhipuronline.in)

জিরি-ইম্ফাল লম্বী বন্দ কৌখ্রে

⧭⧪➤ জিরিবাম অমসুং তমেংলোং ব্রাঞ্চকী থাদৌ স্টুদেন্টস্ এসোসিয়েসননা জুনগী তাং ২৬কী নোংয়াইদগী জুনগী ২৭ কী নোংয়াই ফাওবা জিরি-ইম্ফাল নেসনেল হাইৱে লম্বী এনঐইচ-৩৭ বন্দ কৌখ্রে। মনিপুর সরকারনা জিরিবাম হায়ার সেকেন্দরীগী ইতিহাসকী ওজা সেতখোও হাওকিপ ট্রান্সফার ওর্দার কক্নবগী দাবী তৌরদুনা থাদৌ স্টুদেন্টস্ এসোসিয়েসননা বন্দ অসি কৌবনি হায়রি।(www.lakhipuronline.in)

শিলোংদা ঙরাংদগী অয়ুক পুং ৫দগী নোংয়াই ফাওবা কার্ফিউ কোমথোকলে।

⧭⧪➤ শিলোংগী মফম পুম্নমক্তা ঙরাংদগী হৌরদুনা অয়ুক পুং ৫দগী নোংয়াই ফাওবা পুং ১৯গী কার্ফিউ কোমথোকলে। ইস্ট খাসি হিল্স জিলাগী দিস্ট্রিক্ট মেজিস্ট্রেটনা মসিগী মতাংদা হুকুম অমা থোকখ্রে।(www.lakhipuronline.in)

ফিফা ৱার্ল্দ কাপ ২০১৮

⧭⧪➤ ফিফা ৱার্ল্দ কাপ ২০১৮ ঙরাং সন্ধ্যা পুং ৫-৩০দা শান্নখিবা গ্রুপ জি গী  মেচতা  বেলজিয়ামনা তুনিসিয়াবু  পাঞ্জল ৫ - ১ দা থোইখ্রে। নুমিদাং পুং ৮-৩০দা শান্নখিবা গ্রুপ এফ গী মেচতা মেক্সিকোনা কোরিয়া রিপাব্লিকপু পাঞ্জল ২ - ১ দা মাইথিহনখি। মতুংদা নুমিদাং পুং ১১-৩০দা শান্নখিবা গরুপ এফ গী মেচ অমদা জর্মানিনা সুইদেনবু পাঞ্জল ২ - ১  দা থোইখি। (www.lakhipuronline.in)

⧭⧪➤ ঙসি থাংজা নুমিৎ সন্ধ্যা পুং ৫-৩০ তাবদা গ্রুপ জি গী মেচ অমদা ইংলেন্দ অমসুং পানামা, গ্রুপ ঐইচ কী মেচ অমদা নুমিদাং পুং ৮-৩০দা জাপান অমসুং সেনেগল অদুগা নুমিদাং পুং ১১-৩০ দা গ্রপ ঐইচকী অতোপ্পা মেচ অমদা পোলেন্দ অমসুং কলম্বিয়া থেংনরগনি। (www.lakhipuronline.in)

mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu CLICK HERE