বরাক তম্পাক্কী খোমজিনবা পাউ খরা ২৩-০৬-২০১৮

বরাক তম্পাক্কী

খোমজিনবা পাউ খরা

২৩-০৬-২০১৮

অম্বুবাচী মেলা ঙরাংদগী হৌরে।

⧭⧪➤ গৌহাতি নীলাচল চীংদা কামাখ্যা মন্দিরদা ঙরাংদগী অম্বুবাচী মেলাগী থৌরম হৌখবগা লোয়ননা ঙরাং অয়ুকতগী মন্দির অসিগী থোং থিংখ্রে। লাক্লিবা জুনগী তাং ২৬ লৈবাকপোকপা নুমিৎকী অয়ুক পুং ৭ মিনিত ৫১দা অমুক হন্না ভক্তশিংগী দমক মন্দিরগী থোং হাংদোক্কনি। (www.lakhipuronline.in)

নহারোল খোরিরোল সিল্লূপকী চহীগী মীফম লোইশিন-থৌরম পাঙথোক্লগনি।
⧭⧪➤  লাক্লিবা নোংমাইজিং নুমিৎ জুনগী তাং ২৪দা নহারোল খোরিরোল সিল্লূপ, অসমগী ৪২শুবা চহীগী মীফম লোইশিন-থৌরম পাঙথোক্লগনি। কাছার, লখিপুরদা লৈবা সিল্লূপকী মশাগী শঙলেন্দা পাঙথ্ক্কদবা নুমিৎসিগী থৌরম পরেং মতুং ইন্না অয়ুক ৯-০৫দা ফিরাল চিংখৎলবা মতুংদা অয়ুক পুং ৯-৩০দগী অফোঙবা মীফম হৌগনি। সিল্লূপকী প্রেসিদেন্ট লোংজম গোপেন্দ্রনা মীফম মপু অদুগা লখিপুর সাব-দিবিজনগী ই.এ.সি. মোঃ ৱাদিউল ইসলামনা মীথুংলেন ওইনা শরুক য়াগনি। বরাক ভেলী মৈতৈ কনভেন্সগী পাউতাকলোয় ৱাংখেম শরৎচন্দ্র, আসাম মনিপুরী সাহিত্য পরিষদকী জেনরেল সেক্রেটরী ঙাঙোম বসন্ত কুমার অমসুং মনিপুরী লিটরেরী ফোরাম, আসামগী প্রেসিদেন্ট কৈশাম বিদ্যাপতিনা মীথুং ওইনা থৌরমদা শরুক য়ারগনি। 
থৌরমগী মরুওইবা শরুক অমা ওইনা নহারোল খোরিরোল সিল্লূপ, অসমনা চহীসিদগী অহানবা ওইনা পীবা হৌগদবা নীংশিং মনাশিংসু য়েন্থোক্কনি। ড. নোংথোম্বম নোনিগোপাল নীংশিং মনা (খোরিরোল) - ২০১৮ অমসুং সোরোকখাইবম মনিকচান্দ নীংশিং মনা (নাৎ) - ২০১৮ মথংশিৎনা কবি আব্দুস সহিদ চৌধুরী অমসুং ৱারী লিবা সৌবাম খোইমু দা পীরগনি। নুংথিলগী সেসন্দা অনৌবা থৌশিল্লূপ শেম্লবা মতুংদা ইলাবন্ত য়ুম্নামনা থৌরম মপু ওইদুনা শৈরেং অমসুং ৱারীমচা পাবগী থৌরম অমসু পাঙথোক্কনি হায়না সিল্লূপকী জেনরেল সেক্রেটরী আব্দুল হামিদকী চেরোলদা ফোঙদোকলি। (www.lakhipuronline.in)

এনআরসি দা মীং য়াওদ্রবশিংগী মরাইবক করি ওইগদবনো হায়বগী তাংদাংবা ফোংদোক্নবা হিউমেন রাইট্সনা খঙহল্লকখ্রে।

⧭⧪➤  হৌজিক চৎথরিবা এন.আর.সি. গী থবক অসি লোয়শিল্লবা মতুংদা মসিদা মীং য়াওদ্রবা মীওইশিংগী মরাইবক করি ওইগদবনো, মখোয়বু ফাজিন্দুনা থমগদ্রা নত্রগা মপান্দা থাদোকখিগদ্রা হায়বগী তাংদাংবা মরাইবক অদুগী মতাংদা শেংনা ফোঙদোক্নবগী মতাংদা ইউনাইতেদ নেসেন্স হায় কমিসনার ফোর হিউমেন রাইট্সকী মাইগৈদগী কেন্দ্র সরকারগী মফমদা খঙহল্লকখ্রে। থা অনিগী মতম পীরদুনা জেনেভাদগী থারকখিবা চেনা নিপান পানবা চেরোল অদু মপান থৌরমপুবা মনত্রী সুসমা স্বরাজকী মফমদা ইউ.এন. এজেন্সিগী মাইগৈদগী জুনগী তাং ১১দা পিশিল্লকখিবনি হায়রি। 
এনআরসিগী মতাংসিদা মীওই লাখ ৫০গী মীং খত্থহৌরগদি মখোয় অদু কদায়দবু চৎকনি হায়না ফোংদোক্লদুনা হান্নগী হোম সেক্রেটরী জিকে পিল্লাইনা এনআরসিগী ফাইনেল ফাইনেল দ্রাফতগী খত্থহৌরবা ইলেগেল মাইগ্রেন্টস্ ওইরবশিংদা ৱার্ক পার্মিট পীফম থোকই হায়বা ৱাফম ফোঙদোকখ্রে।
অসোমদা গৌহাটি হাইকোর্টকী রায় মতুং ইন্না ফোরেনর্স ট্রাইবুনেলনা কনাগুম্বা মীওই অমবু ফোরেনরনি হায়না প্রমাণ তৌখ্রবদি মহাক্কী মচিল মনাউ শিংসু ফোরেনর ওইগনি হায়না ৱারোইশিন পিখ্রে।  (www.lakhipuronline.in)

জিরিবাম-ইম্ফাল লম্বী চৎথোক-চৎশিন তৌবা অমুক ঙরাংদগী য়ারে।

⧭⧪➤ জিরিবাম ইম্ফাল লম্বী মহৌশাগুম চৎথোক-চৎশিন তৌবা হৌরে। সিনামখুল মনাক্তা চীং নীংখাইবদগী চৎপা য়ারুদ্রবা মতুংদা ঙরাং অয়ুকতগী মহৌশাগুম গাড়ী চেনবা হৌখি।(www.lakhipuronline.in)

নোং কন্না চুরবা য়াই হায়না মাংজৌ-ৱা পিখ্রে।

⧭⧪➤ ইন্দিয়ান মেতিওরোলোজিকেল দিপার্তমেন্ট (আইএমদি) না থোকপা পাউদম অমগী মতুং ইন্না ঙসি অমসুং হয়েং আসাম অমসুং মেঘালয়গী তোঙান তোঙানবা মফমশিংদা অকনবা নোং চুরবা য়াই হায়না মাংজৌ-ৱা পিখ্রে । (www.lakhipuronline.in)

ফিফা ৱার্ল্দ কাপ ২০১৮

⧭⧪➤ ফিফা ৱার্ল্দ কাপ ২০১৮ ঙরাং সন্ধ্যা পুং ৫-৩০দা শান্নখিবা গ্রুপ ই গী  মেচতা ব্রাজিলনা কোস্তারিকাবু পাঞ্জল ২ - ০ দা থোইখ্রে। নুমিদাং পুং ৮-৩০দা শান্নখিবা গ্রুপ দি গী মেচতা নাইজেরিয়ানা আইসলেন্দবু পাঞ্জল ২ - ০ দা মাইথিহনখি। মতুংদা নুমিদাং পুং ১১-৩০দা শান্নখিবা গরুপ দি গী মেচ অমদা সুইজারলেন্দনা সর্বিয়াবু পাঞ্জল ২ - ১ দা থোইখি। (www.lakhipuronline.in)

⧭⧪➤ ঙসি থাংজা নুমিৎ সন্ধ্যা পুং ৫-৩০ তাবদা গ্রুপ জি গী মেচ অমদা বেলজিয়াম অমসুং টুনিসিয়া, গ্রুপ এফ কী মেচ অমদা নুমিদাং পুং ৮-৩০দা কোরিয়া রিপাব্লিক অমসুং মেক্সিকো অদুগা নুমিদাং পুং ১১-৩০ দা গ্রপ এফকী অতোপ্পা মেচ অমদা জর্মানি অমসুং সুইদেন থেংনরগনি। (www.lakhipuronline.in)

mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu CLICK HERE