বরাক তম্পাক্কী খোমজিনবা পাউ খরা ২২-০৬-২০১৮

বরাক তম্পাক্কী
খোমজিনবা পাউ খরা

২২-০৬-২০১৮


নুমিৎ নিনিগী খোঙচৎতা মুখ্যমন্ত্রী হয়েং করিমগঞ্জতা থুংলরগনি।
⧭⧪  ঈশিং ঈচাউগী ফিভম য়েংশিন্নবা মুখ্যমন্ত্রী সর্বানন্দ সোনোৱাল হয়েং থাংজা, নুমিৎ নিনিগী খোঙচতা বরাক তম্পাক্তা লাক্কদৌরি। মুখ্যমন্ত্রীনা অহানবদা করিগঞ্জতা চৎলবা মতুংদা হাইলাকান্দি চংলম্লগা শিলচরদা থুংলগনি।  । (www.lakhipuronline.in)

ঙসিদগী অম্বুবাচী মেলা হৌরে।
⧭⧪➤ গৌহাতি নীলাচল চীংদা কামাখ্যা মন্দিরদা ঙসিদগী হৌগদবা অম্বুবাচীগী মেলাগী থৌরমগা মরী লৈননা অয়ুক পুং ৯ মিনিত ২৭ সেকেন্দ ৫৪ দগী মন্দির অসিগী থোং থিংলগনি। লাক্লিবা জুনগী তাং ২৬ লৈবাকপোকপা নুমিৎকী অয়ুক পুং ৭ মিনিত ৫১দা অমুক হন্না ভক্তশিংগী দমক মন্দিরগী থোং হাংদোক্কনি। হন্দক্কী মেলা অসিদা তোঙান তোঙানবা মফমদগী লাই খুরম্বা লাকপা মীগী মশিং লাখ ১০ ওইরগনি হায়না পানরি ।  (www.lakhipuronline.in)

চেন্নবা এসিএস ১৩ ঙরাং সরকারনা থবকতগী লৌথোকখ্রে।
⧭⧪  আসাম পাব্লিক সার্বিস কমিসনগী শেন চাদুনা থবক লৌই হায়বগী মতাংদা মরাল লৈরবা এসিএস অফিসার ১৩ ঙরাং আসাম সরকারনা থবকতগী লৌথোকখ্রে। হৌখিবা নভেম্বর থাদা ফাজিনখিবা মখোয় ১৩ হৌজিক গুৱাহাতিগী সেনত্রেল জেলদা বন্দি ওইদুনা লৈরি। ফারবাশিংগী মনুংদা হান্নগী মন্ত্রী নীলমনি সেন ডেকাগী মচানিপা রাজর্ষি সেন ডেকাসু য়াওরি । পনবা য়াই, থৌদোক অসিগা মরী লৈননা হান্নগী এপিএসসিগী হান্নগী চেয়ারমেন রাকেশ পালগা লোয়ননা অফিসার ৩৫ ফাজিনখিবনি। (www.lakhipuronline.in)

আসাম অমসুং মেঘালয়দা অকনবা নোং চুগনি হায়না মাংজৌ-ৱা পিখ্রে।
⧭⧪ ইন্দিয়ান মেতিওরোলোজিকেল দিপার্তমেন্ট (আইএমদি) না থোকপা পাউদম অমগী মতুং ইন্না লাক্লিবা জুনগী তাং ২৩ অমসুং ২৪ আসাম অমসুং মেঘালয়গী তোঙান তোঙানবা মফমশিংদা অকনবা নোং চুরবা য়াই হায়না মাংজৌ-ৱা পিখ্রে । (www.lakhipuronline.in)

এবিপি নিউজকী মথক্তা লুপা ক্রোর ১০০গী দিফেমেসন কেস ফাইল তৌখ্রে। 
⧭⧪ পৱার ব্রোকারগী মতাংদা অনুজ পোদ্দারগা মরী লৈনৈ হায়না মরালশিবগী মতাংদা রাজ্যগী শেলথুমগী মন্ত্রী হিমন্ত বিশ্ব শর্মানা এবিপি নিউজগী মথক্তা লুপা ক্রোর ১০০ গী দিফেমেসন কেস ফাইল তৌখ্রে। । এবিপি নিউজকী পাউ অদুদা ইনকাম টেক্স দিপ্র্টমেন্তনা নিউ দিল্লদা লৈবা অনুজ পোদ্দরগী য়ুমদা থি-হুম্বদা বিজেপীগী মিনিস্টর অসিগা পোদ্দরগা মরী লৈনৈ হায়না ফোঙদোক্লুবগী মতাংদা রাজ্যগী মন্ত্রী হিমন্ত বিশ্ব শর্মানা কেস অসি ফাইল তৌখিবনি হায়রি।  (www.lakhipuronline.in)
  
ফিফা ৱার্ল্দ কাপ ২০১৮
⧭⧪ রাশিয়ানা য়ুম্বু ওইদুনা চৎথরিবা ফিফা ৱার্ল্দ কাপ ২০১৮ ঙরাং শান্নখিবা গ্রুপ দি গী  মেচতা দেনমার্ক অমসুং অস্ট্রেলিয়া নাকল অনিনা পাঞ্জল ১ - ১ চন্নদুনা দ্রো ওইখিরে। মসিগা লোয়ননা দেনমার্ক গ্রুপ অসিদা পুন্না পোইন্ট ৪ ফংদুনা রাউন্দ অফ সিক্সতিন য়ৌবগী লম্বী নকশিনখ্রে।   অতোপ্পা মেচ অমদা পেরুনা ফ্রান্স পু পাঞ্জল ১ – ০ দা মাইথিবা পুদুনা মথংগী রাউন্দা চঙখ্রে। লোয়ননা নুমিদাং ১১-৩০ দা শান্নখিবা মেচতা স্পেইননা ইরানবু ১ - ০ দা মাইথিহনখি। (www.lakhipuronline.in)

⧭⧪ ঙসি ইরাই নুমিৎ সন্ধ্যা পুং ৫-৩০ তাবদা গ্রুপ ই গী মেচ অমদা ব্রাজিল  অমসুং কোস্তারিকা অতোপ্পা গ্রুপ সিগী মেচ অমদা নুমিদাং পুং ৮-৩০দা নাইজেরিয়া অমসুং আইসলেন্দ অদুগা নুমিদাং পুং ১১-৩০ দা গ্রপ ই গী মেচ অমদা সর্বিয়া অমসুং সুইজারলেন্দ থেংনরগনি। (www.lakhipuronline.in)

mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu CLICK HERE

Post a Comment

0 Comments