Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   # ভোটর আই দি ওনলাইনদা ভেরিফিকেসন তৌবগী মতম নভেম্বরগী তাং ১৮ ফাওবা শাংদোকহনখ্রে। # মণিপুরদা খুন্দারিবা চীংমী তম্মীশিংগী মরক্তা মচীন মনাও ওইবগী অপুনবগী শক্তম উৎপা মেরা হৌ-চোংবগী থৌরম পাঙথোকখ্রে। # রাশিয়াদা পাঙথোকপা মালেমগী নুপীগী বোক্সিং চেম্পীয়নসিপতা কেজি ৪৮গী কাংলুপতা রাশি্য়াগী নেভিনা পালসে না সনাগী তকমান ভারতকী মঞ্জু রাণী না লুপাগী অদুগা মেরী কোমনা শেঞ্জেংগী তকমান ফংলে। #

June 20, 2018

বরাক তম্পাক্কী খোমজিনবা পাউ খরা ২০-০৬-২০১৮


বরাক তম্পাক্কী
খোমজিনবা পাউ খরা

২০-০৬-২০১৮

 লৈখিদ্রবা হিজম মুথোইগী মপাবুঙদা লুপা লাখ ৪ গী চেক খুৎশিন্নখ্রে।
⧭⧪  ঈশিং ইচাউনা মরম ওইরদুনা লৈখিদ্রবা লালাগী স্কুল ছাত্র হিজম মুথোইগী মপাবুংদা তেঙবাং ওইনা লুপা লাখ ৪গী চেক অমা রাজ্যগী ঙায়োকলোইশঙগী মন্ত্রী পরিমল শুক্লবৈদ্যনা খুৎশিন্নখ্রে। ঙরাং লৈবাকপোকপা নুমিৎ লালাগী সূর্যসেন সরণিদা লৈবা হিজম মুথোইগী য়ুমদা হাইলাকান্দি জিলাগী দিসি আদিল খান, পুলিস সুপার মনীষ মীশ্র য়াওনা চৎখিবা খোঙচৎ অদুদা মন্ত্রী পরিমল শুক্লবৈদ্যনা মুথোইগী মপাবুংদা তেঙবাঙ চেক অদু শিন্নখিবনি। পনবা য়াই, এন বাচা এমই স্কুলদা তম্লিবা ক্লাস ঐইটকী মহৈরোই হিজম মুথোই হৌখিবা থাংজা নুমিৎতা ঈশিংদা চেন্থখিবদগী থীবা ফংদনা লৈরকখিবনি। (www.lakhipuronline.in)

বরাক তম্পাক্কী কোলেজ ৪ দা সাইন্স স্ট্রীম হাংদোক্লগনি।
⧭⧪মথংগী সেসনদগী বরাক তম্পাক্কী কোলেজ মরীদা সাইন্স স্ট্রীম হাংদোক্লগনি। ৱাফম অসি ঙরাং আসামগী মহৈ-মশিঙগী মন্ত্রী সিদ্ধার্থ ভট্টচার্য্যনা পাউমীশিংদা ফোঙদোকখিবনি। মহাক্না হায় লাক্লিবা সেসনদগী আসামগী কোলেজ ৫০ দা মহৈরোইশিংনা বিজ্ঞান তম্বা ফংলগনি। সাইন্স স্ট্রিম হাংলগদবা বরাক তম্পাক্কী কোলেজ মরী অদুদি কাছাড়গী জনতা কোলেজ অমসুং মাধব চন্দ্র দাস কোলেজ অদুগা কাটলিছরাগী এস কে রায় কোলেজ অমসুং পাথারকান্দি কোলেজনি।  (www.lakhipuronline.in)

ঈচাউদা লুপখিবা অশিবা হকচাং ফংলে
⧭⧪ ঈচাউদা জিরি তুরেলদা তাখিবা প্রতাপ সিংহ (চহি ৪০) গী অশিবা হকচাং ঙরাং অয়ুক আসাম মনিপুর তাইনফম নুংফৌ তুরেলদগী ফংলে। প্রতাপ সিংহগী ময়াম্বা বিমল সিংহনা জিরিঘাট পুলিসকা লোয়ননা চৎতুনা প্রতাপকী অশিবা মশা মশক খঙদোকলে হায়রি। পনবা য়াই হৌখিবা জুন ১৪দগী ঈশিংদা চেন্থখিবা প্রতাপকী হকচাং থিবা ফংদনা লাকখিবনি। অসোমদা, ঈচাউনা মরম ওইরদুনা ঈশিংদা ইরাক্নবদগী থিবা ফংদনা লৈরকখিবা শিলচর ইটখোলা মনিপুরী খুঙ্গংগী চহী ৪ ফারিবী অঞ্জলী দাসকী অশিবা হকচাং ঙরাং লৈবাকপোকপা নুমিত্তা ফংখ্রে। পনবা হৌখিবা নোংমাইজিং নুমিত্তদগী অঞ্জলীগী হকচাং থিবা ফংদনা লৈরকখিবনি।  (www.lakhipuronline.in)

নুমিৎ ৫নি ঈচাউনা থিংলুরবা শিলচর-বদরপুর রেল লম্বী অমুক হাংদোকলে।
⧭⧪ নুমিৎ মঙানি থিংলুরবা মতুংদা শিলচর-বদরপুর রেল লম্বী অমুক হন্না হাংদোকলে। পাঁচগ্রামদা ঈশিং থুমজিনবদগী জুনগী তাং ১৪ দগী থিংদুনা লৈরুবা রেল লম্বী অসি ঙরাং লৈবাকপোকপদগী চৎপা য়ারগনি হায়না খঙহল্লকপনি।  (www.lakhipuronline.in)


ঈচাউনা হাইলাকান্দি জিলাগী মহৈলোইশঙশিংগী ক্লাস অমসুং পরিক্ষা য়ৈথোকখ্রে।
⧭⧪ মখাতানা নোটিস থোকত্রিবফাওবা হাইলাকান্দি জিলাগী মহৈলোইশঙশিংগী ক্লাস অমসুং পরিক্ষা য়ৈথোকখ্রে। হাইলাকান্দিগী জিলা মেজিস্ট্রেতনা থোকপা চেরোল অমনা ৱাফম অসি হন্দক জিলা অসিগী ঈশিং ঈচাউগা মরী লৈননা নোটিস থোকখিবনি।  (www.lakhipuronline.in)
  
ঈচাউদা শিবগী মশিং ১৭ শুরে।
⧭⧪ কাছাড় অমসুং করিগঞ্জতা ঙরাং লৈবাকপোকপা নুমিৎতা মীওই ৬ শিখিবগী পাউ লাকপদা লোয়ননা আসামদা ঈচাউনা শিবগী মশিং ১৭ সুরে হায়না ইস্টার্ন ক্রোনিকল পাউচেনা পাউদমলি। পাউসিগী মতুং ইন্না কাছারদা ২ অমসুং করিমগঞ্জ জিলাদা মীওই ৪ শিখি। হৌজিক ফাওবদা রাজ্য অসিদা মীওই লাখ ৫ লিশিং ৬৪ ঈচাউনা অৱাবা মায়োক্নহল্লে হায়রি।  (www.lakhipuronline.in)

কাছারগী দোক্তরশিংদা ছুতি পিদনবা খঙহনখ্রে।
⧭⧪  আসাম সরকারগী রিলিফ রিভিনিউ অমসুং দিজেস্টর মেনেজমেন্টকী প্রিন্সিপাল সেক্রেটরী রাজেস প্রসাদনা কাছাড় জিলাগী ঈচাউগী ফিভম অসি তং তাবা ফিভম অমদা লাকত্রিফাওবদা জিলা অসিগী দোক্তর অমত্তদা ছুতি পিদনবা কাছাড় জিলাগী দেপুতি কমিসনারদা য়াথং তৌখ্রে।  (www.lakhipuronline.in)

ফিফা ৱার্ল্দ কাপ ২০১৮
⧭⧪ রাশিয়ানা য়ুম্বু ওইদুনা চৎথরিবা ফিফা ৱার্ল্দ কাপ ২০১৮ ঙরাং দা শান্নখিবা গ্রুপ এইচকী মেচতা জাপাননা কোলম্বীয়াবু পাঞ্জল ২ – ১ দা মাইথিহনখি অমসুং অতোপ্পা গ্রুপ ঐইচকী মেচ অমদা সেনেগলনা পোলেন্দবু পাঞ্জল ২ – ১ দা মাইথিবা পিখি। (www.lakhipuronline.in)
⧭⧪ ঙসি য়ুমশাকৈশা নুমিৎ সন্ধ্যা পুং ৫-৩০ তাবদা পোর্তুগাল অমসুং মোরোক্কো, নুমিদাং পুং ৮-৩০দা উরুগুৱে অমসুং সাউদি আরবিয়া অদুগা নুমিদাং পুং ১১-৩০ দা স্পেইন অমসুং ইরান থেংনরগনি। (www.lakhipuronline.in)

mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu CLICK HERE


No comments:

Post a Comment

Comments ...