বরাক তম্পাক্কী খোমজিনবা পাউ খরা ১৯-০৬-২০১৮

বরাক তম্পাক্কী

খোমজিনবা পাউ খরা

১৯-০৬-২০১৮

মনিপুরী য়াওনা অতৈ লোন ২০দা সিটেট পরিক্ষা থাবা য়ারগনি

⧭⧪➤ মনিপুরী য়াওনা তোঙান তোঙানবা লোন ২০ দা (সেন্ট্রেল টিচার ইলিজিবিলিটি টেস্ট) সিটেট পরিক্ষা থাবা য়ারগনি। ইংলিস, হিন্দি, আসামিস, বাংলা, গারো, গুজরাটি, কানড়, খাসি, মলায়ালম, মনিপুরী, মরাঠি, মিজো, নেপালি, উরিয়া, পাঞ্জাবী, সংস্কৃত, তামিল, তেলেগু, তিবেতান অমসুং ঊর্দু লোনদা সিটেট পরিক্ষা থাবা য়ারগনি হায়না হিউমেন রিসোর্সেস মন্ত্রী প্রকাশ জাব্রেকরনা ঙরাং টুইটরদা ফোঙদোরকখি। পনবা য়াই, সেন্ট্রেল গবর্নমেন্টকী মখাদা স্কুলগী ওজা লৌবগী সিটেট পরিক্ষা লাক্লিবা সেপ্তেম্বরগী তাং ১৬ তা পাঙথোক্লগনি। ওনলাইনদা দরখাস্থ থাবগী মতম জুনগী তাং ২২ দগী হৌগনি। (www.lakhipuronline.in)

প্রাইমারি ওজাশিংনা তালা লোনশিন্দুনা পেন্দবা ফোঙদোকখ্রে

⧭⧪➤ আসাম সরকারনা রাজ্য অসিগী প্রাইমারি ওজাশিংগী গ্রেদ পে হন্থহনখিবা অতৈ অতৈ পেন্দবা কয়া ফোঙদোক্তুনা ধর্না ফমখ্রে। লোয়ননা তোঙান তোঙানবা জিলাগী ইজুকেসন ব্লোককী লোইশঙশিং তালা পানশিনবগী খোঙজং অমসু ঙরাং চংশিনখ্রে। লক্ষীপুর মহকুমাগী লক্ষীপুর অমসুং রাজাবাজার ইজিকেসন ব্লোকতসু ঙরাং তোঙান তোঙানবা দিমান্দ কয়া তৌরদুনা মহকুমা অসিগী অজাশিংনা তালা লোনশিনবগী খোঙজং চংশিনখি।   (www.lakhipuronline.in)

আসামগী তোঙান তোঙানবামফমদা কেন্সর হোসপিতাল ১৯ লিংখৎলগনি

⧭⧪➤ আসাম রাজ্যগী হকশেলগী চাউখৎ থৌরাংগী শরুক অমা ওইনা সরকারনা লুপা কোটি ১২,৯১০ খরচ তৌদুনা রাজ্যগী তোঙান তোঙানবা মফমদা কেন্সার হোসপিতাল ১৯ লিংখৎলগনি। টাটা ট্রাস্টকা খুৎশম্নদুনা লিংখৎকদৌরিবা হোসপিতালশিং অদু ডিব্রুগড়, বড়পেতা, ধুবড়ি, ডিফু, যোরহাট, করিমগঞ্জ, কোক্রাঝাড়, লক্ষীম্পুর, নগাঁও, নলবাড়ী, শিলচর, তেজপুর, দরং, গোৱালপাড়া, গোলাঘাট, হাফলোং অমসুং শিবসাগর নচিংবা মফমদা শেমগৎলগনি হায়রি। থৌরাং অসিগা মরী লৈননা গুৱাহাতিগী খানাপাড়াদা পাঙথোকখিবা থৌরমদা মুখ্যমন্ত্রী সর্বানন্দ সোনোৱাল, অরুনাচল প্রদেশকী মুখ্যমন্ত্রী পেমা খান্ডু, টাটা ট্রাস্টকী রতন টাটা নচিংবা মরুওইবা মীওইশিংনা শরুক য়াখি।  (www.lakhipuronline.in)

ঈশিং হন্থরে

⧭⧪➤ বরাক তম্পাক্কী জিলা অহুমগী ঈচাউগী ফিভম হান্নদগী খরা ফগৎলে। বরাক তুরেল অমসুং মছা তুরেলশিং ঈশিং হন্থরে। অসোমদা হাইলাকান্দি অমসুং করিমগঞ্জ জিলাদা মীওই ২ ঈচাউনা মরম ওইরদুনা শিখিবগা লোয়ননা রাজ্য অসিদা ঈচাউনা শিবগী মশিং ১১ শুখ্রে। (www.lakhipuronline.in)

ঈচাউনা হাইলাকান্দিদসু ছুটি লাউথোকলে

⧭⧪➤ কাছাড়গী মতুংদা হাইলাকান্দি জিলাদসু হাইলাকান্দিগী দিসি আদিল খানগী য়াথং মতুং ইন্না জিলা অসিগী হৌজিক ওইরিবা ঈচাউগী ফিভম অসি য়েংদুনা জিলাগী মহৈশঙ খুদিংমক্কী ক্লাস অমসুং পরিক্ষা পুম্নমক মখা তানা নোটিস থোকত্রিবফাওবা ছুটি লাউথোকখ্রে। পনবা য়াই জিলা অসিগী খুঙ্গং ৩৩১গী মনুংদা খুঙ্গং ২৩৫ ঈচাউ মায়োক্নরি। (www.lakhipuronline.in)

মিদ-দে-মিল গী পিথরকপা শেনফম হেনগৎলগনি

⧭⧪➤ অঙাংশিংদা মচি লৈবা চীঞ্জাক পীজনবগী পান্দমদা স্কুলগী মিদ দে মিল গী পীথরক্কদবা শেনফম হান্নদগী হেনগৎহল্লে হায়না জাব্রেকরনা ফোঙদোকখ্রে। (www.lakhipuronline.in)

ফিফা ৱার্ল্দ কাপ ২০১৮

⧭⧪➤ রাশিয়ানা য়ুম্বু ওইদুনা চৎথরিবা ফিফা ৱার্ল্দ কাপ ২০১৮ ঙরাং সন্ধ্যা পুং ৫-৩০ দা শান্নখিবা গ্রুপ এফকী মেচতা সুইদেননা কোরিয়া রিপাব্লিকপু পাঞ্জল ১ – ০ দা মাইথিহনখি অমসুং নুমিদাং শান্নখিবা গ্রুপ জিগী মেচ অমদা বেলজিয়ামনা পানামাবু পাঞ্জল ৩ – ০ দা মাইথিবা পিখি। অতোপ্পা গ্রুপ জিগী মেচ অমদা ইংলেন্দনা টুনিসিয়াবু পাঞ্জৱ ২ -১ গা মাইথিহনখি।  (www.lakhipuronline.in)

⧭⧪➤ ঙসি লৈবাকপোকপা নুমিৎ সন্ধ্যা পুং ৫-৩০ তাবদা কোলোম্বিয়াগা জাপানগা অমসুং নুমিদাং পুং ৮-৩০দা পোলেন্দগা সেলেগালগা থেংনরগনি। (www.lakhipuronline.in)

mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu CLICK HERE