ঙসি

বরাক তম্পাক্কী খোমজিনবা পাউ খরা ১৮-০৬-২০১৮

বরাক তম্পাক্কী
খোমজিনবা পাউ খরা

১৮-০৬-২০১৮




প্রাইভেত অমসুং সরকার স্কুলশিং পরিক্ষা য়ৈথোক্নবা খঙহনখ্রে
কাছার জিলাদা হৌজিক ওইরিবা ঈশিং ইচাউগী ফিভম অসি য়েংলগা কাছার জিলাগী এদিসি রাজিব রায়না জিলা অসিগী স্কুল ইন্সপেক্টর অমসুং দিইইএ দা জিলা অসিগী লনাই অমসুং সরকারগী স্কুলশিংগী পরিক্ষাশিং ঈশিংগী ফিভম ফত্রিফাওবা য়ৈথোকনবা খঙহনখ্রে। জিলা অসিগী মহৈলোয়শঙশিংদা ইচাউ মায়োক্নরবা মীওইশিংনা চঙজফম লৌদুনা লৈবা অমসুং মফম খরদা মহৈরোইশিংগী য়ুম-কৈশিং ঈশিং থুমজিন্দুনা লৈবনা মহৈলোইশঙশিংদা হন্দক লৌগদৌরিবা পরিক্ষাশিং য়ৈথোকনবা পাউতাক পিখিবনি হায়রি। পনবা য়াই, জিলা অসিগী মহৈলোইশঙ ৯২ রোম ইচাউগী অৱাবা মায়োক্নরি।  (www.lakhipuronline.in)

ঈশিং ঈচাউ
⧭⧪বরাক তুরেল অমসুং মসিগী মছা তুরেলশিংগী ঈশিং ঈমায় তপ্না তপ্না হন্থরবসু তুরেল অয়াম্বা খুদোংথীবা লৈইগী মথক্তা চেল্লি। ঙরাং সন্ধ্যা পুং ৬তা শিলচর অন্নপূর্ণা ঘাটতা বরাক তুরেলগী ঈমায় খুদোং থীবা লৈইগী সেন্টিমিটর ৮৬ মথক্তা চেনখি। করিমগঞ্জতা কুশিয়ারা তুরেলগী ঈশিং ঈমায়সু খুদোংথিবা লৈইগী মথক্তা হৌজিকসু লৈরি।(www.lakhipuronline.in)

শ্রীকোণা আইটিআই
⧭⧪ শ্রীকোণা নুপীশিংতগী ওইবা আইটিআই দ্রাফ্সমেন (সিভিল), ইলেক্ট্রোনিক মেকানিক অমসুং বেসিক কসমেটোলোজি অমসুং বিউটিসিয়ান ট্রেদতা মীং চনবগীদমক ওনলাইনদা দরখাস্থ কৌরি। হায়ার সেকেন্দরী পাস তৌরবা নুপী কেন্দিদেতশিংনা জুন থাগী তাং ২১ মনুংদা www.itiassam.nic.in ৱেবসাইত অসিদা চঙদুনা মমিং চনশিন্নবা হায়রি। অকুপ্পা মরোলগী দমক শ্রীকোণা নুপীগী আইতিআই লোইশঙদগী পাউ লৌনবা হায়রি(www.lakhipuronline.in)

শান্নবগী পাউ
⧭⧪ রাশিয়ানা য়ুম্বু ওইদুনা চৎথরিবা ফিফা ৱার্ল্দ কাপ ২০১৮ ঙরাং গ্রুপ গী সুইজার্লেন্দ অমসুং ব্রাজিলগী মরক্তা শান্নখিবা মেচ অমদা নাকল অনিনা পাঞ্জল অমমম চন্নদুনা দ্রো ওইখি।  গ্রুপ এফকী মেচ অমদা মেক্সিকোনা ৱার্দ চেম্পীয়ন জর্মানিবু পাঞ্জল ১ – ০ দা মাইথিবা পীখি। গ্রুপ ইগী মেচ অমদা সর্বিয়ানা কোস্তারিকাবু পাঞ্জল ১ – ০ দা মাইথিবা পীরমখি।  (www.lakhipuronline.in)
⧭⧪ ঙসি নিংথৌবা নুমিৎ সন্ধ্যা পুং ৫.৩০ দা শান্নখিবা মেচ অমদা সুইদেননা  কোরিয়া রিপাব্লিকপু পাঞ্জল ১ - ০ মাইথিহনখি, ঙসি নুমিদাং ৮.৩০ তাবদা পানামা  অমসুং বেলজিয়াম অদুগা নুমিদাং পুং ১১.৩০ তাবদা তুনিসিয়া অমসুং ইংলেন্দ শান্নগনি।(www.lakhipuronline.in) (UPDATED 20:34 HRS)
----------------------------
----------------------------
mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu CLICK HERE