বরাক তম্পাক্তগী মরুওইবা পাউ খরা- ১৬/০৬/২০১৮

লখিপুরওনলাইননা খোমজিনবা বরাক তম্পাক্কী মরুওইবা পাউ খরা-

### বরাক তম্পাক্কী জিলা অহুমগী ঈচাউগী ফিভম হৌজিকসু লুনা লৈরি। তম্পাক অসিগী চাউরাক্না মীওই লাখ ১ লিশিং ৭০ রোম ঈচাউগী অৱাবা মায়োক্নরে। রিলিফ কেম্প ১১৫ হাংদোক্তুনা মীওই লিশিং ৩৫গী মথক্তা চঙজফম পীদুনা লৈরি। (www.lakhipuronline.in)

### শিলচর শহরগী ইটখোলাগী মফম খরদা য়ুম য়ুমদা ঈশিং চঙবা হৌরে। অসোমদা রোংপুর, আরকাটিপুর, কাশিপুর নচিংবা মফমশিংগী অকুৎপা মফম অয়াম্বা ঈশিংনা থুমজিনখ্রে।(www.lakhipuronline.in)

### হন্দক্কী ঈচাউনা মরম ওইরদুনা হৌখিবা ইরাই নুমিৎকী নুংথিলদা জিরিঘাট পুলিস স্টেসনগী মনুং চনবদা দিগলী খুঙ্গংদগী প্রতাপ সিংহ (চহী ৪০) কৌবা মীওই অমা তাউথখিবদগী থিবা ফংদনা লৈরি। অসোমদা কদমতলাদগী জামাল উদ্দিন (চহী ৩৫) মীওই অমসু হৌখিবা শগোলশেন নুমিৎতা ঈশিংদা তাউথখিবদগী থীবা ফংদনা লৈরি।(www.lakhipuronline.in)

### বরাক তম্পাক্কী ঈচাউগী ফিভম য়েংশিন্ননবা রাজ্যগী ঈশিং বিজ্ঞান অমসুং টেক্নোলোজিগী মন্ত্রী কেশব মহন্ত হয়েং নোংমাইজিং নুমিৎতা শিলচরদা থুংলগনি।(www.lakhipuronline.in)

### চীং লম্বীদা অমুক নৌনা লৈবাক কিন্থবদগী জুনগী তাং ১৮ ফাওবা ট্রেইন থারোই হায়না অৱাং নোংপোক ট্রেইন লোয়শঙনা খঙহনখ্রে।(www.lakhipuronline.in)

### ঙরাং সন্ধ্যা পুং ৬ তা শিলচর অন্নপুর্ণা ঘাটতা বরাক তুরেলগী ঈমাইগী চাং মিটর ২১.২০ ওইখি হায়না কেন্দ্রগী ঈশিং লোয়শঙগী মাইগৈদগী পাউদমলি। মফমসিদা খুদোংথিবা লৈইগী চাং মিটর ১৯.৮৩ নি। নিংশিংবা য়াই, কাছারগী পুৱারীদা ১৯৮৯ গী আগষ্ট তাং ১ দা খ্বাইদগী চাউখিবা ঈচাউ অদুদা শিলচর অন্নপূর্ণা ঘাটতা বরাক তুরেলগী ঈমায়গী চাং মিটর ২১.৮৪ ওইখিবনি।(www.lakhipuronline.in)

### বদরপুরঘাটতা ঙরাং সন্ধ্যা পুং ৬ তা বরাক তুরেলগী ঈশিংগী চাং মিটর ১৭.৯৫ ওইখি। মফমসিদা খুদোং থীবা লৈইগী চাং মিটর ১৬.৮৫ নি। করিমগঞ্জতা কুশিয়ারা তুরেলগী ঈমাইগী চাং ঙরাং সন্ধ্যাদা মিটর ১৬.৩৯ ওইখি। খুদোংথিবা লৈইনা মিটর ১৪.৯ নি। মাটিজুরীদা কাটাখাল তুরেলগী ঈশিং ইমায় ঙরাং সন্ধ্যাদা মিটর ২২.৪৩ ওইখি। মফমসিদা খুদোংথিবা লৈইগী চাং ২০.২৭ নি।(www.lakhipuronline.in)

### শেংলবা রমজান থাগী অরোইবদা ঙসি লৈবাক শিনবা থুংনা ঈদ-উল-ফিতর পাঙথোক্নরি। নহান থা উবা ফংখিদবনা ঙসি ওইনা ঈদ পালন তৌগনি হায়না ফতেপুরী মসজিদকী শ্বাহী ইমাম ডক্টর মুফতি মহম্মদ কুক্করম আহমেদনা ফোঙদোকখি।(www.lakhipuronline.in)

### শান্নবগী পাউ- রাসিয়াদা পাঙথোকলিবা ফিফা ৱার্ল্দ কাপ ২০১৮ ঙরাং গ্রুপ এ গী মেচতা ইজিপ্ত অমসুং উরুগুৱে নুমিদাং পুং ৫.৩০ দা শান্নখিবা মেচ অমদা উরুগুৱেনা ইজিপ্তপু ১-০ দা মাইথিবা পীখি। গ্রুপ বি গী মেচতা মোরোক্কো অমসুং ইরান নুমিদাং পুং ৮.৩০দগী শান্নখিবা মেচ অদুদা ইরাননা মোরোক্কোবু পাঞ্জল ১ – ০ দা মাইথিহনখি। নুমিদাং পুং ১১.৩০ দা শান্নখিবা পুর্তুগাল অমসুং স্পেইনগী মেচ অদু নাকল অনিমক্না পাঞ্জল ২ – ২ চন্নদুনা দ্রো ওইখি।(www.lakhipuronline.in)

### ঙসি থাংজা নুমিৎতা নুংথিল পুং ৩.৩০ – ফ্রান্স অমসুং অস্ট্রেলিয়া, সন্ধ্যা পুং ৬.৩০ আর্জেন্তিনা অমসুং আইসলেন্দ, নুমিদাং পুং ৯.৩০ পেরু অমসুং দেনমার্ক অদুগা নোংয়াই মতুং পুং ১২.৩০ তাবদা ক্রোৱেসিয়া অমসুং নাইজেরিয়া শান্নগনি।(www.lakhipuronline.in)

mathakki pao sing asiga mari leinaba newspaper sing pdf ta panabagi damak Lakhipuronline android app install toubiyu CLICK HERE