Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   নভেম্বরগী ২১দগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী ক্বাটর ফাইনেলদা খোঙথাংজিনখ্রে।

September 03, 2018

লাইনিংহল নাওরিয়া ফুলোগী ১৩১ শুবা মপোক নিংশিং থৌরম পাঙথোকখ্রে।


লাইনিংহল নাওরিয়া ফুলোগী ১৩১ শুবা মপোক নিংশিং থৌরম সেপ্তেম্বরগী তাং ২, ২০১৮ নোংমাইজিং নুমিত্তা নোংম চুপ্না অপোকপা মরূপ, সিঙ্গেরবন্দ থৌসং মছানা শিল্লাংদুনা কাছারগী সিঙ্গেরবন্দ মুতুমলৈকায়দা পাঙথোকখ্রে। থৌসং মছা অসিগী অঙম্বা হুইরেম নন্দবাবু না মীফম মপু ওইদুনা পাঙথোকখিবা থৌরমদা রিটায়ার্দ কর্ণেল অরাম্বম গৌরকিশ্বরনা অথোয়বা মীথুংলেন ওইনা শরুক য়াখি। মণিপুরী লেঙ্গুয়েজ এডভাইজরি বোর্ড, সাহিত্য একাদেমী নিউ দিল্লিগী মেম্বর থোকচোম বিশ্বনাথ না অখন্নবা মীথুংলেন অদুগা নেহরু কোলেজ পয়লাপুলগী রিটায়ার্দ প্রোঃ জি নরহরি সর্ম্মা  অমসুং মণিপুরী সোর্ত স্তোরী সোসাইটি, ইন্দিয়াগী জেনরেল সেক্রেটরী খাইদেম কান্ত না ইকায় খুম্নবা মীথুংলেন ওইনা থৌরমদা শরুক য়াখি। থৌরমগী মনুং চন্না তোঙান তোঙানবা ৱাঙাংলোইশিংনা লাইনিংহল নাওরিয়া ফুলো না হিংলিঙৈদা মহাক্না তৌরম্বা থবক থৌরমশিংগী মতাংদা ৱাফম কয়ামরুম থম্বিরমখি।

লাইনিংহল ইবুঙোনা ইবিরম্বা লাইরিকশিংগী মতাংদা খন্ন-নৈনবগী থৌরম অমসু পাঙথোকখি। থৌরমসিদা পিকে কোলেজ, সিঙ্গেরবন্দগী কেঐইচ নোমিতা অমসুং লখিপুর জুনিওর কোলেজকী মোইরাংথেম সোবিতা শরুক য়াখি। থৌরমগী মনুং চন্না লাইনিংহল নাওরিয়া ফুলোনা ইবিরম্বা শৈরেং লাইরিক্তগী খনগৎপা ঈশৈ খরা বরাক তম্পাক্কী শৈশকলোই অরাম্বম চন্দ্রমোহন, মোলিনা খুন্দ্রাকপম, পোৎশংবম ওংবী রামেশ্বরী অমসুং চাংখ্রময়ুম বিদিত না ঈশৈগী খুদোল তমখি।

নুমিৎ অসিদা লাইনিংহল নাওরিয়া ফুলোগী ১৩১ শুবা মপোক নিংশিং থৌরম সাউথ বরাক কমিউনিটি হোল বিন্নাকান্দি পার্ট টু অমসুং লালাং পয়লাপুল নচিংবা মফম শিংদসু চীঙ লেম্না পাঙথোক্নখি।


Pao sing asi ga loinana atei e-pao gi damak
Lakhipuronline android app install toubiyu CLICK HERE

1 comment:

  1. Hello friends, good paragraph and nice urging commented at this place, I am in fact enjoying
    by these.

    ReplyDelete

Comments ...