Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   #### প্রধান মন্ত্রী নরেন্দ্র মোদি লাকলিবা মার্চকী তাং ৩০ বিজেপীগী ভোত খোম্নবা আসাম খোঙচৎতা লাক্লগনি। #### লোকসভা মীখলগী অনিশুবা তাঙ্কক্কী ভোত থাদবা এপ্রিল ১৮ দা পাঙথোক্কনি অদুগা অহুমশুবা তাঙ্কক্কী ওইনা এপ্রিলগী তাং ২৩দা ভোত থাদনগনি। #### অনিশুবা তাঙ্কক্কী মীখলগী মীরেপ চে পীশিনবগী অরোইবা মতম মার্চকী তাং ২৬নি। #### তাঙ্কক অসিদা মীখল পাঙথোক্কদৌরিবা আসামগী মফমশিংদি শিলচর, করিমগঞ্জ, ডিফু, মঙ্গলদৈ অমসুং নগাঁও নি। অহুমশুবা তাঙ্কক্কী ওইনা এপ্রিলগী ২৩ দা ধুবরী, কোকরাঝার, বোরপেতা গুৱাহাতি দা মীখল পাঙথোক্কনি। #### মে থাগী তাং ২৩ দা ভোত মশিং থীগনি। #### আসাম একোর্দ থবক্তা ওন্থোকপা অমসুং য়েলহৌমীশিং ঙাকপী শেনবীবা হায়ব ৱাফম অসিদা দোল অসিনা মপুঙ ওইবা মীৎয়েং থমগনি হায়না বিজেপি গী মপাঙ দোল ওইনা চৎমিন্নগদৌরিবা এজিপিনা ফোঙদোকখ্রে। ####

July 10, 2018

বরাক তম্পাক্কী খোমজিনবা পাউ ১০-০৭-২০১৮


বরাক তম্পাক্কী
খোমজিনবা পাউ
১০-০৭-২০১৮

এএনএম নার্স অমা অঙাং উনবদা লৈখিদ্রে, ইরাং থোকখ্রে।
⧭⧪  অঙাং উনবদা নুপী অমা শিবগা মরী লৈননা শিলচর এস এম দেব সিভিল হোসপিতালদা ইরাং থোকখ্রে। মশামক এএনএম নার্স ওইনা থবক তৌরিবী সীমারানি সিনহা (চহী ৩০) ঙরাং জুলাই ৯ নুংথিলদা দোক্তরনা থৌশাদবদগী লৈখিদবনি হায়না মরাল শিরদুনা থৌদোক অসিগী মতাংদা থিজিন্নবা সীমারানিগী অশিবা হকচাং পুরদুনা ৱাকৎ খোংচৎ অমা চৎখি। বড়খোলা পিঐইচইদা নার্স ওইবা সিমারানিগী ময়ুম চেংকুরীদনি। দাক্তর আফসর অহম্মদকী মতুং ইন্না সীমারানি সিলচর সিভিল হোসপিতালদা জুলাই ৬ দা এদমিসন তৌখিবনি। জুলাই ৭ কী অয়ুক পুং ১১দা দাক্তর অহম্মদনা ওপরেসন তৌদুনা নুপীমচা অমা পোকখি। অঙাং পোক্লবা মতুংদা ঈ কাহেন্না চৎপগী মওং লাকপদগী দাক্তরনা অমুক হন্না ওপরেসন তৌদুনা অঙাংখাউ লৌথোকখি। সীমাগী হকচাং অদুম অদুম শোকচিল্লকখি। মহাক্কী হকচাং ফিভমগী মতাংদা হায়জরুবদসু দাক্তরনা থৌশাবিরকতে হায়দুনা নুমিৎসিগী নুমিদাং পুং ৯ দা গ্রেসৱেল নার্সিংহোমদা পুদুনা লাকখি। অদুবু গ্রেসৱেলদগী  অমুক ঙম্লরোই হায়রদুনা অৱাংবা থাক্কী লায়েংগী দমক নৈগ্রিমসতা পুননবা হায়রকখি। অদুবু লাইবক থীবদি নৈগ্রিমসতা পুবগী লম্বীদা জোয়াই য়ৌরকপদা সীমারানী লৈখিদে। সিভিল হোসপিতালগী সুপারিন্টেন্দেন্ট ডাঃ আসুতোস বর্মণনা মীয়ামদা থৌদোক অসিগী মতাংদা থিজিন হুমজিন্দুনা অশেংবা মরম খঙদোক্কনি হায়খি। অদুবু লুরিবদি মশামক এএনএম নার্স ওইরিবা নুপী অমদা অসিগুম্বা অৱাবা অসি নংলিবসি উরগা কনাগুম্বী জেনরেল নুপী অমদা করম্বা মওংগী লায়েংপথাপ শিজিন্নরমগদবা হায়বসিনি। (www.lakhipuronline.in)

থোং নমখিবা অদু ঙসি শেম্বা লোয়শিল্লগনি।
⧭⧪  জিরিবাম-ইম্ফালগী লম্বীগী কম্বীরোন অমসুং সিবিলোং খুন অনিগী মরক্তা বরাক তুরেলগী মথক্তা নৌনা শাবা থোং নমথখিবা অদু শেমজিন শাজিনবগী থবক কন্না চৎথরি। ঙসি ফাওবগী মনুংদা থোং অসি শেমজিন্দুনা মহৌশাগুম চৎপা য়ানবা হোৎনগনি হায়রি। পনবা য়াই নহান অয়ুক পুং ১১ অদুৱাইদা পোৎ পুবা ট্রাক অমা লাল্লিঙৈদা খঙহৌদনা থোং অদু নমথরকখিবনি। গাড়ী কয়ামরুম পন্দুনা লৈরগসু গাড়ী মচাশিংদি হান্নগী অরিবা থোংদা লানথোক লানশিন তৌই হায়রি।(www.lakhipuronline.in)

আয়ুর্বেদ ইন্সটিটিউট শাবগী থবক হৌরগনি।
⧭⧪ আসামদা শাবগী লেপ্নখ্রবা ওল ইন্দিয়া অয়ুর্বেদ ইন্সটিটিউট এইমস্ শাবগী থবক লাক্লিবা নভেম্বর থাদগী হৌরগনি। কামরূপ জিলাগী চেংসারীদা শাগদবা ইন্সটিটিউট অসিগী মথৌতাবা খুদিংমক শিন্নখ্রে হায়না হকশেল মন্ত্রি হিমন্ত বিশ্ব সর্মানা হায়খ্রে।(www.lakhipuronline.in)
  

Pao sing asi ga loinana atei e-pao gi damak 


No comments:

Post a Comment

Comments ...