Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসিদগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী সেমি ফাইনেলদা খোঙথাংজিনখ্রে।

June 29, 2018

বরাক তম্পাক্কী খোমজিনবা পাউ খরা ২৯-০৬-২০১৮

বরাক তম্পাক্কী
খোমজিনবা পাউ খরা
২৯-০৬-২০১৮
ফোতো পাউদমঃ  নিউ দিল্লিদা জুলাই ৪ - ১০ পাঙথোকখিবা লাইয়েকপগী এক্জিবিসনদা
ওইনামা দিলিপনা য়েকপা "নাইতিঙ্গল মাঙ্কা"
ঈশিং ইচাউনা মরম ওইদুনা এনআরসিগী থবক থিন্থগদৌরি। 
⧭⧪  লাক্লিবা জুনগী তাং ৩০দা এনআরসিগী ফাইনেল দ্রাফ্ট পুথোক্নবা লেপ্নরম্বা অদু থিন্থরগনি হায়না রাজ্য অসিগী কোর্দিনেতর প্রতীক হাজেলানা ফোঙদোকখ্রে। রাজ্য অসিদা মরুওইনা বরাক তম্পাক্তা ঈশিং ইচাউগী ফিভমনা মরম ওইরদুনা এনআরসিগী থবকতা অকায়বা কয়া থোকহনখ্রে। মরম অদুনা ফাইনেল দ্রাফ্ট পুথোকপগী মতম থেংথরবা য়াই হায়খ্রে। মসিগী মতাংদা মখা তানা খরনিগা মতম পীথনবা সুপ্রিম কোর্টতা হায়জগদৌরি। এনআরসিগা মরী লৈনবা অতৈ থবকশিং মপুঙ ফানা চৎথরি হায়না শ্রী হাজেলানা ফোঙদোকখি। (www.lakhipuronline.in)

চহি ৬০ হেল্লবশিংগী অনৌবা পেন্সনগী থৌরাং তৌরি।
⧭⧪  আসাম সরকারনা লাইরবগী লৈইগী মখাদা লৈবা মশাগী চহী ৬০ হেল্লবা নাগরিকশিংগী দমক পেন্সনগী থৌরাং তৌরি। মসিগীদমক লাক্লিবা ওক্তোবর তাং ২দগী থবক ওইনা পাঙথোকপা হৌরগনি হায়না শেলথুম অমসুং হকশেল মন্ত্রি হিমন্ত বিশ্ব শর্মানা ফোঙদোকখ্রে। । (www.lakhipuronline.in)

কনট্রেকচুয়েল ওজাশিংগী থবক্কী মতাংদা চীংননিঙাই ওইদে।
⧭⧪  কন্ট্রেকচুয়েল ওজাশিংগী থা মরীগী বেতন কায়থোকলে। কন্ট্রেকচুয়েল ওজাশিংনা মখোয়গী থবক্কী মতাংদা থোইদোক্না চীংননিঙাই ওইদে, রাজ্য সরকারনা তঙাইফদনা তৌফম থোকপা থবক খুদিংমক পায়খৎলগনি হায়না মহৈমশিংগী মন্ত্রী শিদ্ধার্থ ভট্টাচার্য্যনা ফোঙদোকখ্রে।    (www.lakhipuronline.in)

ফিফা ৱার্ল্দ কাপ ২০১৮
⧭⧪ রাসিয়াদা চৎথরিবা ফিফা ৱার্লদ কাপকী গ্রুপ রাউন্দ ঙরাং লোইশিনখ্রে।  প্রি-ক্বাতর ফাইনেল জুন ৩০ নুমিদাং পুং ৭-৩০ দা  ফ্রান্সকা আর্জেন্তিনাগা, নুমিদাং পুং ১১-৩০ দা উরুগুৱেগা পোর্তুগালগা শান্নগনি। জুলাইগী তাং ১দা স্পেইনগা রাসিয়াগা অমসুং ক্রোয়েসিয়াগা দেনমার্ককা শান্নগনি। জুলাই তাং ২ দা ব্রাজিল অমসুং মেক্সিকো অদুগা বেলজিয়াম অমসুং জাপান শান্নগনি। জুলাই তাং ৩ দা সুইদেনগা সুইজারলেন্দগা  অদুগা কলম্বিয়াগা ইংলেন্দগা থেংগাইনগনি। 
ঙরাংগী মেচশিংদা  নুমিদাং পুং ৭-৩০ দা  গ্রুপ এইচ কী মেচশিংদা পোলেন্দনা জাপানবু পাঞ্জল ১ - ০ দা  অদুগা কোলম্বিয়ানা সেনেগলবু ১ - ০ দা থোইখ্রে।  অসোমদা নুমিদাং পুং ১১-৩০ দা গ্রুপ জি গী মেচ অনিদা তুনিসিয়ানা পানামাবু ২ - ১ দা অদুগা বেলজিয়ামনা ইংলেন্দবু ১ - ০  দা থোইখ্রে। (www.lakhipuronline.in)

Pao sing asi ga loinana atei e-pao gi damak 

No comments:

Post a Comment

Comments ...