Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসিদগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী সেমি ফাইনেলদা খোঙথাংজিনখ্রে।

June 27, 2018

বরাক তম্পাক্কী খোমজিনবা পাউ খরা ২৭-০৬-২০১৮

বরাক তম্পাক্কী
খোমজিনবা পাউ খরা
২৭-০৬-২০১৮

জুন ৩০ দা এনআরসিগী ফাইনেল দ্রাফ্ট পুথোকপগী মাঙওইননা ঙাকশেন থৌরাং পায়খৎখ্রে।  
⧭⧪  আসামদা লাকলিবা জুনগী তাং ৩০ পুথোক্নবা লেপ্নরিবা এনআরসি গী ফাইনেল দ্রাফ্ট অসিগী দমক শেমশাবা লোইরে। এনআরসি গী ফাইনেল দ্রাফ্ট অসি পুথোক্কদৌবগী মাঙওইননা অরোনবা লিখুনদগী ফংবা পাউগী মতুং ইন্না রাজ্য অসিদা ওইরকপা য়াবা লিরি নাইদবা আইন কাইগদবা ফিভম অদু য়েংলদুনা রাজ্য পুলিসকী ঙাকশেন থৌরাং পায়খৎপা হৌখ্রে। কেন্দ্রগী ঙাকশেন লান্মী কম্পানি ১০০ মসিগী দমক থৌরাং তৌনবা শেমশারে। অসিতসু নত্তনা এনআরসি গী ফাইনেল দ্রাফ্ট পুথোকপগী মাঙওইননা রাজ্যগী কা হন্না ইরাং থোকপা য়াবা মফমশিং খন্দোক্লগা চপ চাবা ঙাকশেন থৌরাং পায়খৎননবা লৈবাক অসিগী নোংথক্কী থিজিনবা কেন্দ্র ইসরোগী মতেং নীখ্রে। মসিগী মতাংদা শিলোংদা লৈবা ইসরোগী লোইশঙগা ইপাউ ফাওনখ্রে হায়রি। অসোমদা আসাম পুলিসনসু মাইগৈ খুদিংদা মীকুপ নাহুম শিংনা লৈদুনা সোসিয়েল মেদিয়া দা থোকপা ইপাউ খুদিংমক য়েংশিন্দুনা লৈরি। অসোমদা বরাক তম্পাকতগী ফোঙবা পাউচে সাময়িক প্রসঙ্গগী মতুং ইন্নদি এনআরসি গী ফাইনেল দ্রাফ্ট জুলাইগী তাং ৮গী মতুংদা পুথোক্লবা য়াই, পুথোক্কদবগী তাংদাং মতম নোংম-নিনি অসিদা খংলবা য়াই হায়রি। মীওই কয়া য়াম্না এনআরসিগী ফাইনেল দ্রাফ্টতগী খত্থহৌগদবনো হায়বগী চপ চাবা পাউখুম লৈত্রগসু চাউরাক্না মীওই লিশিং ৫০ রোমদি ফাইনেল দ্রাফ্ট অসিদগী খত্থহৌগদবগী ৱাফম ইরি।(www.lakhipuronline.in)

বরাক তম্পাকতসু মালেমগী ড্রগ লান্না শিজিন্নবা অমসুং লল্লোনবগী মায়োক্তা লেপ্পা নুমিৎ পাঙথোকখ্রে।
⧭⧪  বরাক তম্পাক্কী মফম মফমদসু ঙসি মালেমগী ড্রগ লান্না শিজিন্নবা অমসুং আইন কায়না লল্লোনবগী মায়োক্তা লেপ্পা নুমিৎ পাঙথোক্নখ্রে। শিলচর প্রেস ক্লাব,  মাসিমপুরগী বিএসএফ কাছার মিজোরাম ফ্রোন্টয়ার নচিংবা তোঙান তোঙানবা লূপ কয়ানা শিল্লাংদুনা নুমিৎ অসি পালন তৌখি। হাইলাকান্দি অমসুং করিমগঞ্জ জিলাদসু নুমিৎ অসি মপুঙ ফানা পাঙথোকখি। ঙসিগী নুমিৎ অসিগী থিমদি "হান্না তাউ, অঙাংশিং অমসুং নহাওইরিবশিংগী ৱা তাবিবা হায়বসি মখোয়বু অশোই অঙাম য়াওদনা মশা মঊ ফনা থম্নবগী অহানবা খোঙথাংনি, হায়বসিনি। (www.lakhipuronline.in)


তং-তানা লৈহনবিয়ু হায়না ৱেস্ট-বেঙ্গলগী মুখ্যমন্ত্রীগী মফমদা হায়জখ্রে।  

⧭⧪  মনিপুরদগী য়েলহৌমি খন্দোকপগী শরুক অমা ওইনা মনিপুরদা মমাংঙৈদগী খুন্দাদুনা লৈরিবা বাঙ্গালিশিংবু রাজ্য অসি থাদোকতুনা চৎখিনবা শিল্লে হায়না ৱেস্ট বেঙ্গলগী মুখ্যমন্ত্রী মমতা বানার্জিগী মফমদা অল জিরিবাম ইউনাইতেদ মাইনোরিটি ওর্গেনাইজেসনগী মাইগৈদগী অইচেরোল পিদুনা খঙহনখ্রে। হৌখিবা লৈবাকপোকপা নুমিত্তা পিশিনখিবা চেরোল অদুদা মনিপুরদা য়েলহৌমী খন্দোকপগী পান্দমদা খৃঃকুমজা ১৯৫১ চহিগী জনুৱারী তাং ১ গী মতুংদা চঙলকখিবা মীওইশিংবু তান্থোক্নবগী লাল্লোং শিল্লে। বাঙ্গালিশিংবু মনিপুরদা তংতানা লৈবগী অধিকার পীগদবনি হায়না লূপ অসিগী মাইগৈদগী মুখ্যমন্তিরীগী মফমদা হায়খিবা ৱাফম শিলচরদগী ফোঙবা দৈনিক যুগশঙ্খ পাউচেদা ইরি। 

৫৮শুবা নেসনেল ইন্টর ষ্টেট সেনিয়র এথলেটিক্স চেম্পীয়নসিপ
⧭⧪ তোঙান তোঙানবা জগোই ঈশৈগী থৌরম কয়াগা লোয়ননা ঙরাং গুৱাহাতিগী সরুসজাই ইন্দিরা গান্ধি স্টেদিয়ামদা ৫৮ শুবা নেসনেল ইন্টর ষ্টেট সেনিয়র এথলেটিক মিত মুখ্যমন্ত্রী সর্বানন্দ সোনোৱালনা হৌদোকখ্রে। নুমিৎ মরিনি চৎথগদবা শান্নবা অসিদা রাজ্য ২৯ দগী শান্নরোই ৮০০ রোমনা মশান্ন ৪২ দা শরুক য়ারি। শান্নবা অসিদগী অফবা শান্নরোইশিং খনগৎলগা জকর্তাদা পাঙথোক্কদৌরিবা এসিয়ান গেমস্ তা শরুক য়ারুনবা ভারতকী এথলেটিক টিম খনগদবনি । (www.lakhipuronline.in)

ফিফা ৱার্ল্দ কাপ ২০১৮
⧭⧪ রাসিয়াদা চৎথরিবা ফিফা ৱার্লদ কাপতা ঙরাং  নুমিদাং পুং ৭-৩০ দা শান্নখিবা গ্রুপ সিগী মেচ অনিদা পেরুনা অস্ট্রেলিয়াবু পাঞ্জল ২ - ০ দা থোইখ্রে অদুগা দেনমার্ক অমসুং ফ্রান্স পাঞ্জল অমত্তা চন্নদনা দ্রো ওইরে । অসোমদা নুমিদাং পুং ১১-৩০ দা শান্নখিবা গ্রুপ দি গী মেচ অনিদা আর্জেন্তিনানা নাইজেরিয়াবু পাঞ্জল ২ - ১ দা অদুগা ক্রোয়েসিয়ানা আইসলেন্দ বু ২ - ১ থোইখ্রে (www.lakhipuronline.in)

⧭⧪ ঙসিগী মেচশিংদা  নুমিদাং পুং ৭-৩০ দা  গ্রুপ এফ কী মেচ অনিদা মেক্সিকো অমসুং সুইদেন অদুগা কোরিয়া রিপাব্লিক অমসুং জর্মানি অসোমদা নুমিদাং পুং ১১-৩০ দা গ্রুপ ই গী মেচ অনিদা সুইজারলেন্দ অমসুং কোস্টারিকা অদুগা সর্বিয়া অমসুং ব্রাজিল থেংগাইনরগনি। (www.lakhipuronline.in)

Pao sing asi adomgi android phone da panabagi damak 
Lakhipuronline android app install toubiyu CLICK HERE

No comments:

Post a Comment

Comments ...