Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসি আগষ্ট ২০, মণিপুরী লোননা ইন্দিয়াগী কন্সটিট্যুসনগী ৮শুবা সেদ্যুলদা চনখিবা নুমিৎ অসিদা ইমালোনগী দমক চাওখৎনবা থৱায় হকচাং য়াওনা কৎথোকপিখিবা অমসুং কৎথোকপিরিবা খুদিংমক্তা লখিপুরওন্লাইন‌্গী মাইগৈদগীসু কোক নোঞ্জরি। |||| আসামগী মতুংদা মণিপুরদসু এনআরসি আপদেত তৌহন্নবা লেপ্নখ্রে। |||| ইন্দোনেসিয়ানা য়ুম্বু ওইদুনা জাকার্তা অমসুং পালেম্বাংদা পাঙথোকলিবা ১৮শুবা এসিয়ান গেমস থাংজা নুমিৎ আগষ্টকী ১৮ ইন্দোনেসিয়াগী প্রেসিদেন্ট জোকো ৱিদোদো না চীঙলেমনা হৌদোকখ্রে। |||| বাংলাদেশকী মণিপুরী লক্তগী ইহান হানবা ওইনা বাংলাদেশ সিভিল সার্ভিস (বিসিএস) মায়পাকলখ্রবী ৩৬শুবা কেডরগী মৈতৈ নুপী রিপামনি দেবীগী মফমদা হরাও-তয়াম্বা ফোঙদোকখ্রে ||||মণিপুর ইউনিভার্সিতিগী ভাইস চেন্সেলার প্রোফেসার এপি পান্দেগী মথক্তা থিজিন্নবা ইনক্বারি কমিতি অমা শেমখ্রে। |||| ক্রিকেটর ওইরম্বদগী রাজনিতিদা খোঙথাংজিল্লকখিবা ইমরান খান পাকিস্তানগী প্রধান মন্ত্রী ওইনা ৱাশক লৌখ্রে। ||||

May 30, 2018

গাসামাবু মালিগী রিয়েল স্পাইদারমেন হায়না খংনরে।


অৱাংথংবা পেরিসকী চাওখ্রবা মথোল মঙাগী য়ুম অমগী মমাংদা মী য়াম্না তীনবা উরম্মী। চহী ২২ রোমগী নহাওইরিবা গাসামা মহৈ মহৈ চংশিন্দুনা য়েংলুবদা অঙাং মচা অমা মঙাশুবা মথোলগী বারান্দাদা মখুৎনা য়ান্থদুনা লৈবা উরম্মী। করিসু খন্থরুবা তৌদনা গাসামানা খোংলৈ থুনা চংশিনখিদুনা ৱাংখ্রবা বিল্দিংগী মথোল মথোলশিং অদু মথং মথং স্পাইদরমেনগুম্না কাখিদুনা অঙাং অদুগী মনাক য়ৌখি। শুপ্নতগী সেকেন্দ ৩৫গী মনুংদা অঙাং অদুবু অশিবগী খায়াত্তগী কনবিখি। মফমদুদা তিনখিবা মী পুম্বনা অঙকপা থৌদোকনি হায়নদবা য়াওখিদে, মখোয় মখোয়গী মোবাইল ফোনদা নমখিবা ফোতো/ভিদিও শিং অদুনা মতম খজিক্তগী মনুংদা সোসিয়েল মেদিয়াদা পাউ অসি ভাইরেল ওইনা শন্দোকখিদুনা গাসামাগী মথৌনা মরিংজেলগী মরমদা মালেমগী মীপুম খুদিংনা ঙাংনবা হৌরকখি।

থৌদোক অসি হৌখিবা থাংজা নুমিৎ মেগী তাং ২৬, ২০১৮ দা নুংথিলদা থোকখিবনি। মহাক্কী মথৌনাগী দমক তশেংলবা স্পাইদারমেন অমনি হায়বগী মীংথোল পীবতা নত্তনা মালিগী নুপামচা অসিবু ফ্রান্স সরকারনা মখোয়গী লৈবাক্কী সিতিজেনসীপ পীদুনা ইকায় খুম্নখি। প্রেসিদেন্ট ইমানুয়েল মেক্রননা গাসামাবু মহাক্কী য়ুমদা কৌদুনা ইকায় খুম্নখিবতা নত্তনা ফ্রান্সকী ফায়ার সার্বিসতা থবক অমা পীখি।

মফম অদুগী লোকেল মেদিয়াগী পাউ মতুং ইন্না থৌদোক থোকখিবা মতমদা অঙাং অদুগী মমা মপা অনিমক য়ুমদা লৈখিদে । মমানা পেরিসকী মপান্দা অদুগা মপানা য়ুমগী মপান্দা থবক থোকলুবনি হায়রি। হৌজিকতি মপান লৈবাক্কী পাউচে অয়াম্বদা গাসামাবু মালিগী রিয়েল স্পাইদারমেন হায়না খংনরে।

লখিপুরওনলাইন গী ফেসবুক পেজ লাইক তৌবিউ।


***Download Lakhipuronline Android App from Google Play store  CLICK HERE

No comments:

Post a Comment

Comments ...