Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসিদগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী সেমি ফাইনেলদা খোঙথাংজিনখ্রে।

March 04, 2018

বিজেপি অমসুং চুংশিন্নবা দোলনা ত্রিপুরা, মেঘালয়া অমসুং নাগালেন্দ বিধানসভা মীখলদা চাউনা মায়পাকলে।

লখিপুরওনলাইন নিউজ ডেস্কঃ বিজেপি অমসুং চুংশিন্নবা দোলনা ত্রিপুরা, মেঘালয়া অমসুং নাগালেন্দ বিধানসভা মীখলদা চাউনা মায়পাকলে। ত্রিপুরাদা চহি ২৫ চুপ্না রাজ্যগী লৈঙাক চুপ্লি পায়দুনা লাকখিবা সিপিআইএমগী সরকার অসি ইথা থাজদনা বিজেপি অমসুং চুংশিন্নবা দোল ইন্দিজিনাস পিপলস্ ফ্রোন্ট অফ ত্রিপুরা (আইপিএফটি)গী মখুত্তা চাউনা মাইথিহৌরে। রাজ্য অসিদা বিজেপিনা লুচিংবা সরকার অমা লিংবা হায়বসি চপচানা থাজবা লৈরে।
ঙসি (মার্চ ৩, ২০১৮ইং) বিধানসভা মীখলগী ভোট মশিং থিবদা নাগালেন্দদা বিজেপি অমসুং চুংশিন্নরিবা এদিপিপি দোলনা পুল্লপ্না সিট ২৯ ফংখি অদুবু সাসন পায়রিবা এনপিএফ না শুপ্নতগী সিট ২৭ খক্তমক ফংবা ঙমখি। এনপিপি না ২ অদুগা জেদিইউ অমসুং ইন্দিপেন্দেন্ট না সিট অমমম মায়পাকলে। অদুম ওইনমক মেঘালয়াদদি কংগ্রেসনা সিট ২১ ফংলদুনা খ্বাইদগী মশিং য়াম্না কারকপা দোল ওইজরবসু সরকার শেম্বা য়াবগী মশিং য়ৌগদবদি মশিং ৱাৎলে। এনপিপিনা ১৯, ইউদিপিনা ৬, বিজেপিনা ২ অমসুং অতৈ দোলশিং অমসুং ইন্দিপেন্দেন্টনা পুন্না সিট ১১ ফংলে। মেঘালয়াদা হৌজিক হাঙ এসেম্বলি ওইরে। রাজ্য অসিগী আমপাটি অমসুং সোমসাককী সিট অনিমক্তা কংগ্রেস মীরেপ মুখ্যমন্ত্রি মুকুল সাংমা মায়পাকলে। দোল অসিগী মীরেপ মন্ত্রিসু ওইরিবা এমএ লিংদো অমুক হন্না নোংপোক সিলোংদগী কারে। অদুবু রাজ্যগী গৃহ মন্ত্রি ঐইচদিআর লিংদোদি মাইথিহৌরে।
অৱাং নোংপোককী রাজ্য অহুমগী মীখলগী ঙসিগী রিজাল্ট অসিনা প্রধান মন্ত্রি নরেন্দ্র মোদিগী চাওখৎ থৌরাংগী থৌশিলদা মীয়াম্না য়ানিংবা পোকলে হায়বা তাকলে হায়না বিজেপি প্রেসিদেন্ট অমিত সাহনা হায়খ্রে। মীখলগী ফোল অসিনা লাক্কদৌরিবা বিধানসভা অমসুং মথং চহিগী লোকসভা মীখলদা অফবা ফোল লাক্কনি হায়বগী ইঙ্গিৎ অমা পীরে হায়না মহাক্না মখা তানা ফোংদোকখি। শ্রী নরেন্দ্র মোদিগী এক্ট ইস্ট পোলিসি মায়পাকলে হায়বগী খুদম পীরে হায়না নিউদিল্লিদা ঙসি (মার্চ ৩, ২০১৮ ইং) শ্রী অমিত সাহনা পাউমীশিংদা ফোঙদোকখি।
ত্রিপুরাদা বিজেপিনা মপুঙ ফাবা মেজোরিতি ফংলবসু অনৌবা সরকার শেম্লকপা মতমদা অতৈ মপাং দোলশিংসু য়াওগনি হায়না শ্রী সাহনা হায়খি। হৌখিবা চহী ২৫ দা রাজ্য অদুদা চাওখৎ থৌরাংগী থবক পায়খৎপা ঙমদবনা মানিক সরকারগী সরকার অসি মায়থিখিবনি। হৌজিক্তি লৈবাক অসিগী রাজ্য ২১ দা এনদিএ অমসুং বিজেপিগী সরকার লিংলে। অদুম ওইনমক উরিষ্যা, নোংচুপ বেঙ্গল অমসুং কেরালাদা বিজেপিনা সরকার লিংদ্রিফাওদি দোল অসিগী অরংবা মতম লাকখিরোই হায়না শ্রী সাহনা মখা তানা ফোঙদোকখি। অসোমদা মেঘালয়াদা সরকার শেম্বা য়াবগী লম্বেল য়াৎনবগী দমক কংগ্রেসকী মকোক থোংবা লুচিংবশিং রাজ্য অদুদা চংশিন্নখ্রে।

লখিপুরওনলাইন গী ফেসবুক পেজ লাইক তৌবিউ।

No comments:

Post a Comment

Comments ...