Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসিদগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী সেমি ফাইনেলদা খোঙথাংজিনখ্রে।

January 08, 2018

বরাক তম্পাকতা ঈংবগী চাং খংহেন হেঙ্গৎলকলি।

Photo - Longjam Dorendra
লখিপুরওনলাইন দিজিতেল দেক্সঃ বরাক তম্পাকতা হন্দক খরনিসি ঈংবগী চাং খংহেন হেঙ্গৎলকলি। ঙসি নুংথিলদা শিলচর সহরদা শাবগী চাং দিগ্রী সেলসিয়াস ২৫ ওইরমলবসু নুমিদাংগী মতমদা দিগ্রী সেলসিয়াস ৪ দা হন্থখিবা য়াই হায়না অইং-অশা লোয়শঙদগী ফংবা পাউ অমদা হায়রি। অৱাং নোংপোক ভারততা অয়ুক্কী মতমদা লৈচিল কুঙনা থাবা মরমনা লম্বীদা গাড়ী অমসুং রেল চৎথোক-চৎশিন তৌবদা খুদোংথীবা মায়োক্নরি। অসোমদা ঙরাং সন্ধ্যাদগী অরুনাচল প্রদেশতা নোংগা লোয়ননা ঊন তাবগী থৌদোকনা মরম ওইরদুনা লমকোয়বা লাকপা মীওইশিংদা অপনবা থোকলে। গুৱাহাতিগী রেজিওনেল মেতিওরোলোজিকেল সেন্টরগী পাউ মতুং ইন্না জনুৱারী থা অসিগী অরোইবা চয়োল ফাওবদা ঈংশিনবগী চাং অসি অসুম্না লৈখিগনি হায়রি। হৌখিবা পুং ২৪ দা গুৱাহাতিদা খ্বাইদগী ঈংবগী চাং দিগ্রী সেলসিয়াস ৯.২, ইম্ফালদা ৪.৪, ইতানগর ১৪.৪, আইজোল ৪.৬, কোহিমা ৫.২ অমসুং আগরতলাদা খ্বাইদগী ঈংবগী চাং দিগ্রী সেলসিয়াস ৯.১ ওইখি।


লখিপুরওনলাইন গী ফেসবুক পেজ লাইক তৌবিউ।

1 comment:

  1. Good article! We are liknking to this great article on our website.

    Keep up the great writing.

    ReplyDelete

Comments ...