Film Dialogues

ড০ ভুপেন হাজারিকাগী পোৎলোইবগী থৌরম হয়েং পাঙথোক্লগনি

শক্নাইরবা শৈশকপা অমসুং দাদা সাহেব ফলকে মনা ফংখ্রবা রাজ্য অসিগী মনি মুক্তাগুম শিংথানরীবা ড০ ভূপেন হাজারিকাগী পোৎলোইবগী থৌরম ঙসি পাঙথোক্কনি তৌরম্বদু য়ৈথোকখ্রে। হয়েং য়ুমশাকৈসা নুমিৎ রাজ্য অসিগী থোইদোকপা থৌরম পরেংগা লোয়ননা অয়ুক গৌহাটি সহরগী ঝালুকবারীদা গৌহাটি ইউনিভারসিটিগী কেম্পাসতা পাঙথোক্লগনি। মহাক্কী ইমুং মনুংগা ৱা তানরবা মতুংদা ৱাফম অসি লেপ্নবনি হায়না আসামগী মুখ্যমন্ত্রী শ্রী তরুন গোগোইনা ঙসি নুংথিল পাউমীশিংদা ফোংদোকখ্রে।
ড০ হাজারিকাগী অমত্তা ঙাইরবা মচানুপা শ্রী তেজ হাজারিকা অমসুং মমৌনুপী শ্রীমতি কল্পনা আজমীর ঙসি নুংথিল নিউ য়োর্কতগী গৌহাটিদা থুংলখ্রে। ড০ ভুপেন হাজারীকাগী লোয়নবী প্রিয়ম্বদা পাটেলদি মশা ঙমদবনা মরম ওইরদুনা লাকপা ঙমদ্রে হায়না ঙসি থুংলখিবা মচানুপা তেজ হাজারিকানা ফোঙদোকখ্রে। হৌজিক কানাদাগী হোসপিতাল অমদা লায়েংদুনা লৈরিবী ড০ হাজারিকাগী লোয়নবী গুজরাটি নিঙোল অসি মহাক্কা লৌন লৈনরবা চহী তরা মতুংদা খাইনখিবনি।
পনবা য়াই, মশাগী চহী ৮৬ শুরবা মতম চুপ্পদা নেপালি টুপি য়াম্না পামজনা উপ্পা ড০ ভুপেন হাজারিকা হৌখিবা থাংজা নুমিৎতা কোকিলাবেন ধুরিভাই অম্বানি হোসপিতাল এন্দ মেদিকেল রিসার্স ইন্সটিটিউট মুম্বাইগী হোসপিতাল অমদা মশাগী অনাবা অমনা মরম ওইরদুনা পুন্সিগী অরোইবা য়াহিপ তানখি।
মুম্বাইদগী মহাক্কী অশিবা হকচাং থোইদোকপা প্লেন অমদা বরঝার প্লেন তাফমদা পুরকখি। মহাকপু দর্শন তৌনবা লম্বী মপান্দা লেপ্তুনা লৈরম্বা মীওইশিংনা দর্শন তৌনবা হোৎনবদা অপনবা থোকপদগী বরঝারদগী মহাক্কী নিজারাপারদা লৈবা ময়ুম তম্না লাকপদা কিলোমিটার ৩০ শাংবা লম্বী অদু য়ৌবদা পুং ৮ চংখি হায়রি।
এয়ার কন্দিসনগী ওইবা মীংশেলতনা কোয়শিল্লবা কায় অমদা ড০ হাজারিকাগী অশিবা হকচাংবু মীয়ামনা দর্শন তৌজবা ফংজনবগী দমক ঙসি নুংথিল গৌহাটিগী জজ্ ফিল্দদা ঙাকশেন্দুনা থমখি।
ড০ হাজারিকাগী মথৌ মঙম পাঙথোকফম অদু তুংলমচৎতা মীয়ামনা সমাধি অমা ওইনা নিংশিংদুনা লৈহৌনবগী মতাংদা মথৌ মঙম পাঙথোকফম মফমগী মতাংদা চয়েৎনবা কয়ামরুম থোকখি। মমাং থাবদা ব্রহ্মপুত্র তুরেল তোরবানদা পোলোয়বগী ৱাফম লৈরম্বদু কায়নথংদা গৌহাটি ইউনিভারসিগী কেম্পাসতা পোৎলোইবগী থৌরম পাঙথোকপদা য়ানখি।
মহাক্কী হয়েং পোলোয়বগী থৌরম অসি চন্দনতনা পাঙথোক্কনি হায়রি। মসিদা চংগদবা চন্দন পুম্বা গৌহাটি ইউনিভারসিটিগী বোটানি দিপার্টমেন্টকী লৈরিবা চন্দন পাম্বী অচংবমখৈ শিজিন্নগনিসু হায়রি।
ড০ ভূপেন হাজারিকা ইং ১৯২৬ সেপ্তেম্বর তাং ৮দা তিনসুকিয়াগী সদিয়াদা পোকখি। নীলকান্ত হাজারিকা অমসুং শান্তি হাজারিকাগী মচানুপানি।
১৯৪২ দা কতন কোলেজতগী ইন্টরমেদিয়েত লোয়শিনখ্রবা মতুংদা বনারস হিন্দু ইউনিভারসিটিদগী ১৯৪৪ দা বিএ পাস তৌখি। অমসুং ১৯৪৬ তা পোলিটিকেল সাইন্সতা এম এ পাস তৌখি।
১৯৭৭ তা পদ্মশ্রী, ১৯৯৩ দা দাদা সাহেব ফালকে,
২০০১ দা পদ্মভুষণ পিখি।
১৯৬৭ তগী ১৯৭২ ফাওবা আসাম বিধান সভাগী সদস্যসু ওইরম্মী।
শক্নাইরবা অসিনা লৈখিদবগা মরী লৈননা আসাম সরকারনা রাজ্য অসিগী সরকার অমদি লনাই, লোইশং অমসুং প্রতিস্থানশিং, স্কুল, কোলেজশিং ঙসি ছুটি লাউথোকখি। অদুবু গৌহাটি সহরগী ওইনদি হয়েং পুং ১২ ফাওবা ছুটি ওইরগনি হায়না লাউথোকখ্রে।

হরিদ্বারগী গ্যাত্রি সংঘদা লাইখুরুম্বা লাকপা ভক্তশিং মখোয় মশেল নেৎশিন্নবগী থৌদোকতা ঙসি অয়ুক ৬ শিরে অদুগা ১০ হেন্না অশোক অপন নংলে। ঙরাংদগী হৌখিবা গুরু পণ্ডিত শ্রীরাম সর্মাগী চহীচা ফারকপগী ওইবা মীওই লিশিং ১০ হেন্না তিনখিবা থৌরম অদু নভেম্বর ১১ ফাওবা চৎথগদবনি হায়রি। নেৎশিন্নবগী থৌদোক অদু ঙসি অয়ুক যজ্ঞগী থৌরম অমদা শরুক য়ানবা মহৈ মহৈ চেনশিন্নবদা থোকখিবনি। (লক্ষীপুরওনলাইন)

No comments:

Post a Comment

Your comment... Lakhipuronline