লখিপুরওনলাইন ডিজিতেল দেস্কঃ মনিপুর লৈঙাকনা পামদবা থৌদোকসিং থোকতনবা লৌখৎলকপা চেকশিন থৌরাংগী শরুক অমা ওইনা রাজ্য অসিদা সেপ্তেম্বরগী ১০ গী নুংথিল পুং ৩ দগী হৌরগা সেপ্তেম্বরগী ১৫ নুংথিল পুং ৩ ফাওবা নুমিৎ মঙানিগী ইন্তরনেত থীংনবা ওর্দর থোকখিবা অদু ইম্ফাল ইস্ত, ইম্ফাল ৱেস্ত, বিস্নুপুর, ককচিং অমসুং থৌবাল য়াওনা মখা তানা নুমিৎ মঙানি শাংদোকতুনা সেপ্তেম্বরগী তাং ২০ গী নুংথিল পুং ৩ ফাওবা ইন্তরনেত অমদি মোবাইল দাতা সার্বিসকী অথিংবা থমখ্রে। অমরোমদা থা অসিগী ১২ দা লৈঙাকনা কন্দিসন অমগী মখাদা ব্রোদবেন্দ সার্বিসকী অথীংবা লৌথোক্নবা থোকখিবা অর্দর অদু মখাতানা চৎনখিগনি হায়রি। অমরোমদা মনিপুরগী তম্পাক্কী কারফিউ লৈবা জিলাসিংদা ঙসি অয়ুক পুং ৫ দগী নুংথিল পুং ২ ফাওবা কার্ফিউ কোমথোক্কনি হায়রি꫰
