জিরিবামদা মীখল নীংথিনা পাঙথোক্নবগী মতাংদা রিভিউ মিতিং অমা পাঙথোকখ্রে।

লখিপুরওনলাইন ডিজিতেল দেক্সঃ জিরিবামগী দিস্ট্রিক ইলেক্সন অফিসার শ্রী কৃষ্ণকুমার আইএএসনা লুচিংদুনা লাক্লিবা ১৮সুবা লোকসভা মীখলদা জিরিবামদা মীখল অসি নীংথিনা পাঙথোক্নবগী মতাংদা রিভিউ মিতিং অমা ঙসি জিরিবামগী দিসিগী কনফারেন্স হোলদা দিস্ট্রিক অসিগী এসপি এ ঘনশ্যাম শর্মা, এদিসি টিঐইচ মনরঞ্জন অমদি অতৈ জিলাগী নোদেল অফিসারসিং, জেদইও জিরিবাম থৌদাম অমুরাশি য়াওনা মীফম অদু পাঙথোকখ্রে। দিসি কৃষ্ণকুমারনা ময়ায় তাংবল লৌখিবা মীফম অদুদা লাক্লিবা মীখল অসিদা হকচাংগী ফিভম শোয়নাইরবসিং, অহল ওইরবসিংদা ভোত থাদবা ঙম্নবা খুদোং চাবা পীবা, মীখলগী দিউতি তৌগদবসিংগী লৈফম চাফম অমদি ওবজার্বরসিংনা মীখল নুমিত্তা তৌগদবসিংগী মতাংদা নোদেল অফিসারসিংনা নীংথিনা থবক পাঙথোক্নবা পাউতাক পীখিবগা লোয়ননা জিরিবামগী দিসি কমপ্লেক্সতা সেমগৎলিবা স্ত্রোং রুম অমদি অতৈ চেকশিন থৌরাংসিং  দিস্ট্রিক ইলেক্সন অফিসার দিইও না য়েংশিনখি।