লখিপুরওনলাইন ডিজিটাল দেস্ক: আর্তিফিসিয়েল ইন্তিলিজেন্সনা পাক সন্না চাওখৎলকপগা ইরোইননা মসিবু লান্ন শিজিন্নদুনা মীয়ামদা উৎ চাইবগী থৌদোক কয়া থোরকলে। অসিগুম্বা দিপ ফেক ভিদিওসিং সোসিয়েল মেদিয়াসিংদা ভাইরেল ওইরকপা লেপত্রি। হন্দকতা সচীন তেন্দুলকরগী দীপ ফেক ভিদিও অমা সোসিয়েল মেদিয়াদা ভাইরেল ওইখ্রে। মসিদা এআই তেকনোলোজি সিজিন্নদুনা সচীনগী খোনজেলদা গেম অমগী এদভরতাইজ তৌরি। দীপ ফেক ভিদিও অসিদা মচানুপী সারা সু এপ অসিনা শেল য়াম্না তাল্লে হায়নসু হায়জিনবা য়াওরি। সচীন তেন্দুলকরনা মহাক্কী এক্স তা হৌখিব নিংথৌকাবা নুমিত্তা ভিদিও অসি অচুম্বা নত্তে ফেক ভিদিও নি হায়রদুনা মীয়ামনা মসিবু রিপোর্ত তৌনবা হায়রি। অসিগুম্বা থৌওং অসি মাংজৌননা থীংহৌনবা ঐখোয় পুন্না হোৎনবগী তানজা লাকলে।
