ডাঃ রোইবালাগী "অনৌবা মনিপুরী সাহিত্যগী সাহিত্যকার খরাঃ মীৎয়েং অমা" কৌবা লাইরিক ফোঙখ্রে

Lakhipuronline Digital Desk : অশাংবা কমিউনিকেসন ইম্ফালনা শিন্দূনা ডাঃ হৈক্রুজম রোইবালানা মৈতৈ ময়েক্তা ইবা "অনৌবা মনিপুরী সাহিত্যকার খরাঃ মীৎয়েং অমা" কৌবা লাইরিক অমা নাওরেমথোং ডিসি রোদতা লৈবা শ্রী লোইতোংবম ইন্দ্রকুমারগী য়ুমদা ঙসি ফোঙদোকখ্রে। লাইরিক ফোংবগী থৌরমদা ডিএম কোলেজ অফ আর্টকী থবক্তগী পোথারবা ওজা ও মেম্মা না সভাপতি ওইরগা সাহিত্য অকাদেমী এৱার্দি দাঃ থোকচোম ইবোহনবী সিংহনা চীফ গেস্ট ওইখি। থৌরমসিদা ডিএম ইউনিভার্সিটিগী থবক্তগী পোথারবা অজাসিং আরকে মুশুকসনা অমদি এম মেধা না গেস্ট অফ ওনর ওইখি।

চীফ গেস্ট ওইখিবা দাঃ ইবোহনবীনা ফোঙদোক্লদূনা হৌজিক্কী মতমদা মনিপুরী সাহিত্যগী নৈন ৱারেংগী লাইরিকসিং মৈতৈ ময়েক্তা ফোঙদোকপসি য়াম্না মতম চারে, লাইরিক অসিনা মহৈরোয়সিংদা থোইনা হেন্না কান্নবা ওইরগনি হায়না ফোঙদোকখি। অইবা ডাঃ হৈক্রুজম রোইবালা, ডিএম ইউনিভার্সিটিগী ওজানি, মমাংদা মহাক্কী ৱারীমচাগী লাইরিক চৈনাখোনগী চৈনা হায়বা লাইরিক অমসু ফোঙদোকখ্রে। থৌরম অসিদা অশাংবা কমিউনিকেসনগী এসি নেত্রজিৎনা তরাম্না ওকপগী ৱারোল পীরবা মতুংদা লাইরিকসিগী অইবা ডাঃ হৈক্রুজম রোইবালানা থাগৎ ৱারোল থমখি।