কাছার পুলিস অমদি বিএসএফ কী অপুনবা খোংজংনা শিলচরগী শালচপ্রা এরিয়াদগী লুপা ক্রোর ১০ রোমগী য়াবা তেব্লেত ফাগৎখ্রে।

কাছার পুলিস অমদি বিএসএফ কী অপুনবা খোংজংনা ঙরাং 25/12/2023 কাছার শিলচরগী শালচপ্রা এরিয়াদগী য়াবা তেব্লেত লিশিং ৫০ ফাগৎখ্রে। হায়রিবা য়ামখ্রবা নিসাগী পোৎলমসিং অসি মনিপুরগী চুরাচান্দপুরদগী মীওই ৫ গা লোয়ননা লাকপা বোলেরো গারী অমগী সেক্রেট চেম্বর অমদগী ফাগৎখিবনি হায়না কাছার পুলিসকী এদিসনেল এসপি সুব্রত সেননা পাউমীসিংদা ফোঙদোকখ্রে। হায়রিবা পোৎলমসিং অসি কৈথেলদা লুপা ক্রোর ১০ রোম ওইগনি হায়না পানরি। মসিগা মরী লৈননা মীওই ৫ পুলিসনা ফাজিন্দুনা মখা তানা ৱাহং পাউহং চত্থখ্রে। আসামগী সিএম দাঃ হিমন্ত বিশ্ব শর্মানা  মহাক্কী এক্স তা আসাম পুলিসকী অসিগুম্লবা খোংজং অসিদা থাগৎপা ফোঙদোকখ্রে।