লখিপুর ওনলাইন দিজিতেল দেস্ক: মপান মনিপুরগী মনিপুরী শৈরেংগী এন্থোলোজি অমা পুথোক্নবগী পান্দমদা মনিপুরী সাহিত্য পরিষদ আসাম সেন্ত্রেল কমিতিনা স্পোন্সোর তৌদূনা শৈরেং শৈদিন্নবগী থৌরম অমা পুন্যবতী এমই স্কুল কাছার, তোলেনখুনদা মনিপুরী সাহিত্য পরিষদ লখিপুর দিস্ট্রিক কমিতিনা শিল্লাংদুনা নভেম্বরগী ১২ ঙরাং নোংমাইজিং নুমিত্তা পাঙথোকখ্রে।
লূপকী লখিপুর দিস্ট্রিক কমিতিগী প্রেসিদেন্ট য়ুম্নাম নদিয়াচান্দনা মীফম মপু, য়ুম্নাম ইলাবন্তনা মোদরেতর, লূপকী সেন্ট্রেল কমিতিগী ভিপি ঙাঙোম বসন্তকুমার অমসুং ইস্ট লখিপুর জেদপিসি মেম্বর কব্রবম অনিতা না না ইকায় খুম্নজবা মীথুং ওইনা শরুক য়াখি। ঙাঙোম বসন্তকুমার, ঙাঙোম বাবামচা, অথোকপম নীলকান্ত না শৈহৌ ঈশৈ শকখি।
লুপকী লখিপুর দিস্ট্রিক কমিতিগী সেক্রেটরী তোনাম্বম রবীন্দ্রনা তরাম্না ওকপগী ৱারোল পীখি। লূপকী বিন্নাকান্দি ব্রাঞ্চকী প্রেসিদেন্ট ইঙুদম নিলবীরনা এঙ্কর ওইবিদুনা কবি ৩৩ না মশানা ইজবা শৈরেং পাথোকখি। স্কুল অসিগী ক্লাস থ্রীগী মহৈরোয় রুহানা বেগম, রুক্সানা বেগম অমদি সালিমা বেগম নসু মশানা ইজবা শৈরেং পাথোক্তুনা মীয়ামগী পুক্নিং চীংশিনখি।
