শিলচর ঘুংঘুর বাইপাসতা গারী অমাদগী লুপা ক্রোর ৭ রোমগী নীসাগী পোৎলমসিং ফাগৎখ্রে

Lakhipuronline Digital Desk : আগস্ট ২৩ য়ুমশাকৈসাগী অয়ুক্তা কাছার পুলিসকী অকনবা খোংজং অমদা শিলচর ঘুংঘুর বাইপাসতগী য়ামখ্রবা নীশাগী পোৎলমসিং ফাগৎখ্রে। অরোনবা পাউ ফংবদগী অয়ুক অঙনবা পুং মরীগী অদুৱাইদা শিলচর ঘুংঘুর বাইপাসতা বোলেরো গারী অমাদা থীহুম্বগী থবক চত্থদবদা লুপা ক্রোর তরেৎ রোমগী ওইগদবা নীশাগী পোৎলমসিং অদুগা লোয়ননা মীওই মরী ফাখ্রে। বোলেরো গারী অসিগী মনুংদা লোন্না থুপ্না হাপ্পা চেম্বার অমগী মনুংদগী ফংবা সাবান বোক্স ১০৪ দা হেরোইন কেজি অম মখায় য়াওরম্বনি হায়না কাছারগী এসপি নুমাল মহাত্তোনা পাউমীসিংদা ফোঙদোকখি। হীরমসিগী মতাংদা ফারবা মীওই ৪ গী মথক্তা পুলিসনা ৱাহং পাউহং চত্থরি।