ভারতকী চন্দ্রয়ান থ্রী স্পেস ক্রাফ্ট থাগী খা মেরুগী লৈমায়দা খোংদাখ্রে, মীসন অসিদা মৈতৈ মচা খরা শরুক য়ারি।

Lakhipuronline Digital Desk: অসোই অঙাম অমত্তা য়াওদনা ভারতকী চন্দ্রয়ান থ্রী স্পেস ক্রাফ্ট লেপ্নখিবা মতম চপ চানা আগষ্ট ২৩ য়ুমশাকৈসা নুমিৎগী নুমিদাং ৱাইরম পুং ৬ কা মিনিত ৪ তাবদা থাগী খা মেরুগী লৈমায়দা চন্‌দ্রয়ান থ্রীগী লেন্দার বিক্রম খোংদাখ্রে। ইসরোগী চেয়ারমেন এস সোমনাথনা ভারতনা থাদা মায়পাক্না খোংদারে, শোফ্ট লেন্দিং মায়পাকলে হায়না ফোঙদোকখি। প্রাইম মিনিস্তর নরেন্দ্র মোদিনা মায়পাকপা অসিগা ইরোইননা ইসরোগী চীফ এস সোমনাথকী মফমদা তেলিফোন তৌরক্তুনা হরাও তয়াম্বা ফোঙদোরকখ্রে। লেন্দর মোদুল বিক্রমনা থাগী লৈমায়দা খোঙদাবগী লাইব স্ত্রীম ইসরোনা মীয়ামদা উৎখি। মখা তানা লেন্দর বিক্রমদগী চাকা তরুক পানবা ফিত অহুমুক শাংবা প্রজ্ঞান রোভর কুমথরকতুনা থীজিন হুমজিনবগী থবক পায়খৎপা হৌরগনি।  মীসন অসি মায়পাকপগা লোয়ননা  ভারতনা থাগী খামেরু লৈমায়দা খোংদাবা মালেমগী ওইনা ইহান হানবা লৈবাক ওইরে, অদুগা থাগী লৈমায়দা খোংদাবা রাসিয়া, আমেরীকা অমদি চাইনাগী মতুংদা ভারতনা মরীসুবা লৈবাক ওইরে।

লমদম অসিগী স্কুল কোলেজসিংদা চন্দ্রয়ান থ্রীনা মায়পাকনা খোংদাখিবগী থৌদোক অদু লাইব স্ত্রীম য়েংনখি।
শিলচর জিসি কোলেজতা মহৈরোয়সিং অমদি অজাসিংনা হরাও তয়াম্বা ফোঙদোক্নখি।
জুলাইগী তাং ১৪ দা থাগৎখিবা চন্দ্রয়ান থ্রী মীসন অসিবু লমজিংখিবা ইসরোগী চেয়ারমেন এস সোমনাথ অমদি অতৈ সাইন্তিস্ত কয়াগা লোয়ননা ঙরাং হরাও মীনোক তমখি। লুপা ক্রোর ৬১৫ রোম চংনা শাখিবনি।
চন্দ্রয়ান থ্রীগী মীসন অসিবু মায়পাক্নবা হোৎনবদা শরুক য়াখিবা সিংগী লক্তগী তোমথীন ওইনা মৈতৈ মচা খরা শরুক য়ারি। মখোয়গী মরক্তগী পনবা য়াবসিংদি দাঃ রঘু নীংথৌজম দেপুতি দিরেক্তর Directorate of Technology Development and Innovation (DTDI), ইসরোগী সাইন্তিস্তনি।
মনিপুরগী বিস্নুপুর জিলাগী থাঙ্গদগীনি হায়রি। অদুগা ৱাই বিসাল সিংহ ইসরোগী সাইন্টিস্তনি চন্দ্রয়ান থ্রী মীসন অসিগী থারমেল কন্ত্রোল তীমগী মেম্বর অমনি। মহাক কাছারগী শিলচর রামনগর টুকোদগীনি হায়রি।