রেলৱে থোং অমা খঙহৌদনা কিন্থরকপগী থৌদোক অমদা মদুদা থবক শুদূনা লৈরম্বা মীওই ২৭ সিরে।

Lakhiponline Digital Desk: শাবা লোয়শিন্দ্রিবা রেলৱে থোং অমা খঙহৌদনা কিন্থরকপগী থৌদোক অমদা মফম অদুদা থবক শুদূনা লৈরম্বা মীওই ২৭ সিরে অদুগা অহুম অসোক অপন নংলে। থৌদোক অসি ঙরাং য়ুমশাকৈসা নুমিৎকী অয়ুক্কী পুং ১০ রোম তারকপদা মিজোরামগী আইজোলদগী কিলোমিতর কুন রোম চৎলগা লৈবা শৈরাং ভিলেজ মনাক্তা মনাক্তা কুরুং তুরেলগী মথ্ক্তা সাবা লোয়সিন্দ্রিবা রেলৱে থোং অমা খঙহৌদনা কিন্থরকপদা মদুদা থবক সুরম্বা থৌমী ২৭ থৌদোকফমদা শিখিব হায়রি। মতম অদুদা মফমদুদা থৌমী নীফুরোম থবক শুরম্বনি । অসিবা হকচাং ১৭ দি মফমদুদগী লৌখৎখ্রে। অতৈ মীওই খরসু থীবা ফংদনা লৈরি হায়না পাউ অসিনা মখা তারি। । থৌদোক অসিদা লৈখিদ্রবসিংগী ইমুংদা লুপা লাখ ২ তৌদুনা এক্স গ্রেসিয়া পিএফএন আরএফ তগী পীরগনি অদুগা ফিভম থীনা সোক্লবসিংদা লুপা লিশিং ৫০ তৌদূনা পীরগনি হায়না লাউথোকখ্রে।