লখিপুরওনলাইন দিজিতেল দেস্কঃ মধ্যপ্রদেসকী ভোপালদা জনুৱারীগী তাং ৩০ হৌদুনা চত্থরকখিবা ৫সুবা খেলো ইন্দিয়া য়ুথ গেমসতা থাং তা মশান্নদা আসামগী ওইনা শরুক য়াখিবি লাইশোম সিমা দেবী গোল্দ মেদেল লৌরকলে। ঙসি শান্নখিবা থাং তাগী কেজি ৫৬ কী কাংলুপতা লাইসোম সিমা না সনাগী তকমান অসি লৌরকখিবনি। লাইশোম সিমা কাছার সোনাইদগীনি। অপোকপগী মিং লাইসোম সিঙ্গাবী অদুগা অপোকপীগী মীংনা লাইসোম ওংবী ইবেমচা দেবী কৌই। হন্দক্কী ৫সুবা খেলো ইন্দিয়া য়ুথ গেমসতা থাং তা মশান্ন য়াওনা তোঙান তোঙানবা মশান্না ২৭ তা লৈবাক অসিগী তোঙান তোঙানবা স্তেতকী শান্নরোই লিশিং ৬ হেন্না শরুক য়াখি। তোঙান তোঙানবা মসান্নশিংদা শরুক য়াদুনা আসামনা সনাগী তকমান ২ লুপাগী ৩ সেন্জেংগী ২ পুন্না তকমান ৭ লৌরকখি। মেদেল তেলিদা মহারাস্ট্রনা অহানবা হরিয়ানানা অনিসুবা অদুগা য়ুম্বু মধ্যপ্রদেসনা অহুমসুবদা লৈখি। মধ্যপ্রদেসকী মন্দলা দা লৈবা দিস্ট্রিক স্পোর্টস কম্পলেক্সতা ফেব্রুৱারীগী তাং ৮ দগী ১০ ফাওবা পাঙথোকখিবা থাং তা মশান্নদা আসামদগী সান্নরোই তরেৎ এল অভিজিত, কে লমঙানবা মৈতৈ, কেঐইচ বিবেক, রাহুল কুমার চৌহান, ঙান্থোইবী চনু, লাইসোম সিমা অমদি চনুলেম্বী থোকচোম শরুক য়াখি। আসামগী থাং তাগী তীম কোচ নন্দিতা দেবী নি অদুগা তীম মেনেজরনা দব্লিউ বিনোয়কুমারনি। লাইশোম সিমা দেবীনা গোল্দ মেদেল ফংলকপদা মাইগৈ কয়াদগী হরাওবা ফোঙদোক্নরি।
