য়েংশিনবিবা ৱাৎপনা মরম ওইরগা কাছারগী লখিপুরদা লৈরিবা বরাক থোংদা গারী চৎথোক চৎশিনদা অৱাবা মায়োক্নরে।

লখিপুরওনলাইন নিউজ দেস্কঃ য়েংশিনবিবা ৱাৎপনা মরম ওইরগা কাছার জিলাগী লখিপুরদা লৈরিবা বরাক থোং অসিগী ময়ায়গী শম্নফমদা চাওনা কাথোরকপা থেংনবনা মরম ওইরগা গারী চৎথোক চৎশিনদা অৱাবা মায়োক্নরে। হায়রিবা মফম অসিদা গারী থৌবশিং য়াম্না তোয়না অৱাবা মায়োক্নবা থেংনরে। অসিতা নত্তনা থোং অসিদা মৈগী খুদোং চাবা লৈতবনা নুমিদাংগী মতমদনা অমুক হেন্না অৱাবা মায়োক্নহল্লে হায়না গারী থৌরিবশিংনা ফোঙদোকলদুনা মরী লৈনবশিংনা অচৌবা খুদোং চাদবা মায়োক্নদ্রিঙৈদা অথুবা মতমদা হায়রিবা মফম অসি সেম্বীনবা হায়রি। পনবা য়াই লখিপুরদা বরাক তুরেলগী মথক্তা শারিবা থোং অসি হৌখিবা ২০১৪ দা মতমদুগী পিদব্লিউদি মন্ত্রী হৌজিকনা শেলথুমগী মন্ত্রী ওইরিবী শ্রীমতি অজন্তা নীওগনা থোং অসি শঙ্গাবিখিবনি। মতম শাংনা থোং অসিগী য়েংশিনবিদনা লাকপনা ফিবম অসি ওইরকপনি হায়না পেন্দবা ফোঙদোক্নরি। https://www.youtube.com/c/Lakhipuronline