Breaking News

অঙাং অমবু ইবা পাবা মরীক চুম্না খঙহন্নবগী পান্দমদা লৈঙাকনা চত্থরকপা নিপুন আসামগী মনুং চন্না সিঙ্গেরবন্দ হায়স্কুলদা অজাশিংনা খন্ন নৈনখ্রে।

লখিপুরওনলাইন ডিজিতেল দেস্কঃ অঙাং অমবু ইবা পাবা মরীক চুম্না খঙহন্নবগী পান্দমদা ভারত সরকারনা চত্থরকপা নিপুন ভারতকী শরুক অমা ওইনা রাজ্য অসিদসু নিপুন আসামগী খোংজং মখা চত্থরকলি। হায়রিবা খোংজং অসিগী মখাদা রাজ্য অসিদসু লাক্লিবা চহী ২০২৬ ২৭ গী মনুংদা ক্লাস থ্রী ফাওবদা অঙাংশিংবু মরীক চুম্না ফাউন্দেসনেল লিটরেসি এন্দ নিউমরেসি এফএলএন গী জ্ঞান ফংহন্নবগী পান্দমদা ওজাশিংদা ত্রেনিং লেপতনা পীরি। 
মসিগা মরী লৈননা কেন্দ্রিয়া বিদ্যালয়া বোরঝার গৌহাতিগী পোথারবা ওজা লোয়ননা লাইরিক লাইশু তাকপী তম্বিবগী লমদা মনা মথুম কয়া ফংলকখ্রবী থৌনাওজম ইরাবতি ঙরাং লৈবাকপোকপা নুমিত্তা কাছারগী সিঙ্গেরবন্দ হায়স্কুলদা লাকপীদুনা ক্লাস্তার অসিগী মনিপুরী ওজাশিংদা করম হায়না অঙাংশিংদা টিএলএম শিজিন্নদুনা লাইরিক তম্বীগনি অমদি কোবিদনা মরম ওইরগা অঙাংশিংগী লাইরিক লাইশুদা পীখিবা অৱা চৈথেং করম্না মেনখৎনবা হোৎনগনি হায়বগী মতাংদা মরীক চুম্না খন্ন নৈনখি। 
থৌরম অসিদা রিসোর্স পার্সন থৌনাওজম ইরাবতি, হেদমাস্তর জমাল উদ্দিন, পোথারবা হেদমাস্তর কৈসাম চাম্পালাল, পোথারবা ওজা পোসম্বম রাজেন্দ্র, ওজা করুনামুর্তী মীশ্র, অজা কোন্থৌজম নন্দবাবু  লোয়ননা ক্লাস্তর অসিগী তোঙান তোঙানবা স্কুলশিংদগী লাকখিবা অতৈ ওজাশিংসু শরুক য়াখি।
https://youtu.be/kcxf9ihj9ys