মনিপুরীশিংনা্ খুন্দা লৈতাদুনা লৈরিবা আসামগী মনুং হুনজিনবা মফমশিংদা MPF কী মীহুৎ কাংবু অমনা চংশিন্দুনা য়েংশিনখ্রে

Lakhipuronline Digital Desk: আসামগী মনুং হুনজিনবা মফমশিংদা মনিপুরীশিংনা্ খুন্দা লৈতাদুনা লৈরিবা মফমশিংগা ইপাউ ফাওনদুনা Manipuri Peoples' Front (MPF) না লুপ অসিগী মরুওইবা পান্দমগা লোয়ননা লমদমসিগী চাওখৎ থৌরাং কয়া পায়খৎনবা হোৎনরি। মসিগা ইরোইননা এমপিএফ অমদি আমসু না সমাজ অসিবু চাওখৎনবা হোৎনদুনা লাকলি। Manipuri Peoples' Front কী মীহুৎ কাংবু অমনা সেপ্তেম্বরগী ৩০ অমদি ওক্তোবরগী তাং ১ দা আসামগী খুঙ্গং কয়াদা খোংজং অসি হৌখি। মীহুৎ কাংবু অসিনা সেপ্তেম্বরগী ৩০ দা গোলাঘাত জিলাগী লখিনগর মনিপুরী বস্তী অমদি নাওজান মনিপুরী বস্তী দা চৎতুনা মফম অদুগী নহা অমদি মহৈরোয় কয়াগা উনদুনা শান্নখোৎনবা, মশা মউ ফনা থম্বা অমদি হৌজিক্কী মতমদা সরকারগী থবক অমা ফংনবা হোৎনবদা মায়োক্নরিবা অৱাবা কয়াগী মতাংদা  ৱারী ৱাতায় শান্নখিবগা লোয়ননা লখিনগরগী লোকেল ক্লাবতা বোলিবোল খুদোল তমখি। মতুংদা লুপ অসিনা কার্বি আংলোং জিলাগী মনুং চনবা আমরাজান মনিপুরী খুঙ্গংদসু চংশিনখি। মথংগী নুমিৎ ওক্তোবরগী তাং ১ দা লুপকী মীওইশিংনা হোজাই জিলাগী মনুং চনবদা গোচারা মনিপুরী খুঙ্গংদা মনিপুরী রোয়েল ক্লাবতা মীফম অমা পাঙথোকতুনা খুঙ্গংসিগী অৱাৎ অপা কয়াগী মতাংদা কুপ্না ৱারী শান্নখি। এমপিএফ না মখাতানা খুঙ্গং কয়াদা চংশিনবগী পান্দম থমলি। হন্দক্কী খোংচৎ অসিদা এমপিএফ কী সেক্রেটরী জেনরেল L Inga Ngamba, Dr. Phuritsabam Birmani, Advisor MPF CC, Maibam Raju, AGS,CC, Ngasepam Sanahal,  President AAMSU অমদি Executive Member MPF, CC  শরুক য়াখি হায়না MPF কী সেক্রেটরী জেনরেল L Inga Ngamba না পাউদমলকলি।

Post a Comment

0 Comments