মুনসিগ্রাম কমিউনিতি হোল দা পাঙথোকখিবা থৌরমদা মীতৈ পাঙল অহলশিং অমসুং ওজাশিংদা লেংয়ান ফী য়ান্দুনা ইকায় খুম্নখ্রে।

লখিপুরওনলাইন দিজিতেল দেস্কঃ লখিপুর সাবদিবিজনগী মনুং চনবদা লৈবা মুনসিগ্রাম কমিউনিতি হোল দা মোঃ ফায়াজ চৌধুরীনা মীফম মপু ওইদুনা সোসিয়েল এক্টিভিস্ট নিঙোম্বম রনজিৎ অমদি থৌনাওজম তোন সিংহ গী লমজিং মখাদা মুনসিগ্রামগী মীতৈ পাঙল অহলশিং অমসুং ওজাশিংদা লেংয়ান ফী য়ান্দুনা ইকায় খুম্নখ্রে। সেপ্তেম্বরগী তাং ১৮ নোংমাইজিং নুমিত্তা পাঙথোকখিবা থৌরম অসিদা লমদমসিদা ঐখোয় পুন্না লৈমিন্নরিবা, মমালোন মান্নবা মীতৈ অমদি মীতৈ পাঙল ইচিল ইনাউ মীফমদা উন্নবা, ৱারী শান্নবা অসিতনা য়াদ্রে, ঐখোয় থবক ওইনা উৎলসি হায়বা ৱাফমশিং ফোঙদোক্নখি।  থৌরমদা মোঃ অমুস্না চৌধুরী, মোঃ মুফিজ উদ্দিন, মোঃ নাজির অহম্মদ, দেবেন্দ্র সিংহ, বোচা মীতৈ, কৈসাম সরৎ,সাপম দোরেন নচিংবা ৱাঙাংলোয়শিংনা জাতি অনিগী অপুনবা পুরক্নবা হোৎনবদা নহারোল অমদি অহল্লমন খুদিংমক্না মতেঙ পাঙবিয়ু হায়জখি। https://www.youtube.com/c/Lakhipuronline