অঙাং ফাদুনা পুখ্রে হায়বগী তোকঙাদা ময়াম চঙদুনা ফুবদগী লায়কন্নদুনা লৈরিবা সাহিনবু ফুবদা চেন্নবা মীওই ১০ পুলিসনা ফাগৎখ্রে।

লখিপুরওনলাইন দিজিতেল দেস্কঃ অঙাং ফাদুনা পুখ্রে হায়বগী তোকঙাদা ময়াম চঙদুনা ফুবদগী লায়কন্নদুনা লৈরিবা সাহিনবু ফুবদা চেন্নবা মীওই ১০ পুলিসনা ফাগৎখ্রে। 
হৌখিবা য়ুমশাকৈশা নুমিৎতা গারিদা অঙাং অনি ফাদুনা পুখ্রে হায়বগী তোকঙাদা জয়পুর থানাগী মনুং চনবদা শিবস্থানদা মীয়াম চঙদুনা ফুবতা নত্তনা কনকপুর সুভাসনগরগী সাহিন অহম্মদকী আল্টো গারী অদুবুসু মৈ থাদোকপিখি। পাউগী লিখুন মতুং ইন্না সাহিন না মহাক্কী ওল্টোগারীদা হরিনগর হোসপিতালদগী ইমুউনাইজেসনগী মীওই কাংবু অমা পুরগা দেৱান চাবাগান তম্না চৎখি। হল্লকপগী লম্বীদা লম্বীদা পুজাগী শেলখায়বা মীওই কাংবু অমনা মহাকপু থত্তুনা শেল পীরম্নবা হায়বদা শেল পীদনা গারী থৌদুনা চৎখিবদগী অঙাং ফাদুনা পুখ্রে হায়বা অরানবা পাউ থোকচিন্দুনা মহাকপু ময়াম চংদুনা ফুখিবনি অদুগা গারী অদুবুসু মৈনা তুম্না থাদোকপীখিবনি হায়না সাহিনগী ইমুং মনুংগী মীওইশিংনা ফোঙদোরকখ্রে। ইমুং মনুংগী মীওইশিং অমদি য়ামখ্রবা লৈকায়গী মীয়াম্না জয়পুর থানা লাকতুনা থৌদোক অদুদা চেন্নবা মীওইশিংনা ফাদুনা চৈরাক পীনবা দাবী তৌখি। ঙরাং শগোলশেন নুমিত্তা থৌদোক অসিদা চেন্নবনি হায়বা মীওই ১০ পুলিসনা ফাদুনা ৱাহং পাউহং চত্থখ্রে হায়রি। সাহিনগী মকোকতা য়াম্না থীনা শোকপদগী হৌজিক অরুবা ফিভমদা শিলচর মেদিকেল কোলেজতা লায়কন্নরি।
কাছার জিলাগী এসপি নুমল মহত্তনা থৌদোক অসিগী মতাংদা ফোঙদোকলদুনা অসিগুম্বা তোকঙাদা মীয়ামনা থাজবিগনু অঙাং ফাবনি হায়না করিগুম্বা চীংনবা লৈরবসু পুলিসকী মীওইশিংদা খুদকতা পাউ পীবিউ হায়না হায়না ফোঙদোকখি। www.youtube.com/c/lakhipuronline