শিলচর থাং-তা এসোসিয়েসন শেমখ্রে, শিলচরগী এমএলএ শ্রী দীপায়ান চক্রবর্তী পেত্রোন মেম্বর ওইরে

লখিপুরওনলাইন দিজিতেল দেস্কঃ  হন্দকতা নৌনা শেমখিবা শিলচর থাং-তা এসোসিয়েসন অসিবু আসাম থাং-তা এসোসিয়েসনগী প্রেসিদেন্ট ৱাহেংবম বিনোয়কুমার না সেপ্তেম্বরগী ১৮ ঙরাং নোংমাইজিং নুমিত্তা অয়াবা পীখ্রে। পনবা য়াই শিলচর থাং-তা এসোসিয়েসন অসিদা শিলচরগী এমএলএ শ্রী দীপায়ান চক্রবর্তীনা পেত্রোন মেম্বর, এদভাইজর ওইনা রিতায়ার্দ এদিসনেল সেক্রেটরী আরাম্বম নন্দবাবু এসিএস, সোসিয়েল এক্টিভিস্ত গোপালসনা রাজকুমার অমদি শ্রীমতি শর্নালি চৌধুরী নি। অদুগা এসোসিয়েসন অসিদা সন্তোস রাজকুমার না প্রেসিদেন্ট, কাজল সিংহ অমদি ঐইচ লোয়াতাবা সিংহ না ভাইস প্রেসিদেন্ট, অমদি কৃর্তি সুন্দর দত্ত না সেক্রেটরীনি। থোকচোম বিদ্যাসাগর অমদি সলাম কমলজিৎ না জোইন সেক্রেটরী, ট্রেজররদা জগৎ জ্যোতি হোয় অদুগা একজিকিউতিব মেম্বর ওইনা লৈরিবশিংনা ওইনাম মধুমঙ্গল, খাঙেম্বম নীলকলম অমদি অরাম্বম বিজয় কান্ত নি । হিরমসিগী মতাংদা ঙরাং শিলচরগী ইলোরা হোতেলদা পাঙথোকখিবা পাউগী মীফমদা আসাম থাং-তা এসোসিয়েসনগী প্রেসিদেন্ট ৱাহেংবম বিনোয়কুমার অমদি জোইন্ত সেক্রেটরী সুনন ইঙুদম না পাউমীশিংনা হংবা ৱাহংগী পাউখুম পীখি হায়না আসাম থাং তা এসোসিয়েসনগী প্রেসিদেন্টনা খঙহল্লকলি। https://www.youtube.com/c/Lakhipuronline