আসাম লৈঙাকনা বাংলাদেস লীবরেসন ৱার ১৯৭১ দা শরুক য়াখিবা আসামগী অথৌবাশিংবু ইকায় খুম্নবদা রিতায়ার্দ কেপ্তেন দাঃ মোইরাংথেম সনাতোম্বা সু য়াওরি।

লখিপুরওনলাইন দিজিতেল দেস্কঃ আসাম লৈঙাকনা ঙরাং বাংলাদেস লীবরেসন ৱার ১৯৭১ দা শরুক য়াখিবা আসামগী শক্নাইরবা মীওই ১০৫ দা ইকায় খুম্নবা ফোঙদোকখ্রে। ১৯৭১ গী ভারত পাকিস্তান লানদা হকথেংননা শরুক য়ারুবা আসামগী অথৌবা ১০৫ গী মরক্ত কাছার জিলাগী রিতায়ার্দ কেপ্তেন দাঃ মোইরাংথেম সনাতোম্বা সু য়াওরি। পনবা য়াই দাঃ এম সনাতোম্বা সিংহ লখিপুর সাবদিবিজনগী মনুং চনবদা ইমানুয়েল হোসপিতাল কম্পাউন্দগী লৈখিদ্রবা মোইরাংথেম দেব সিং গী মচানুপানি। ১৯৭১ গী ভারত পাকিস্তান লানদা থৌনা ফনা শরুক য়াখিবগী দমক মহাকপু চীফ অফ আর্মী স্তাফ কমেন্দেসন কার্দসু পীদুনা ইকায় খুম্নখি। 

কেন্দ্রগী ঙাকসেন মন্ত্রী শ্রী রাজনাথ সিং না অথোইবা মীথুং ওইনা শরুক য়াখিবা থৌরমদা আসামগী গভর্নর জগদীস মুখী, রাজ্যগী মুখ্যমন্ত্রী দা হীমন্ত বিশ্ব সর্মা অমদি অতৈ মকোক থোংবা মীওইশিং শরুক য়াখি। থৌরমদা শরুক য়ারদুনা সিএম দা হিমন্ত বিশ্ব শর্মনা হকথেংনবা লানফমদা লৈখিদ্রবা আর্ম ফোর্সকী মীওইশিংগী ইমুং মনুংদা এক্স গ্রেসিয়াগী শেনফম লুপা লাখ ২০ দগী লাখ ৫০ হেনগৎহল্লগনি হায়খি। Full Video> https://youtu.be/D7GFUQSy_5c