লখিপুরওনলাইন নিউজ দেস্কঃ কেন্দ্র সরকারনা আসাম মনিপুর অমদি নাগালেন্দগী মফম খরদগী আর্মদ্ ফোর্সেস্ স্পিসিয়েল পাৱার্স এক্ট ১৯৫৮ আফস্পাগী মখাদা থম্লম্বা দিস্তার্ব এরিয়াশিং লৌথোক্নবা ৱারেপ তাখ্রে। আসামগী জিলা ৯ অমদি সাবদিবিজিন অমা থাদোক্লগা আসাম শিনবা থুংনা এপ্রিলগী তাং ১ দগী আফসপা লৌথোকলে। কেন্দ্রনা আসাম অকোয়বগী চাওরাক্না চাদা ৬০ গী চাংদা আইন অসি লৌথোকখ্রগনি হায়বদা আসামগী সিএম দা হিমন্ত বিশ্ব শর্মা না প্রাইম মিনিস্তর নরেন্দ্র মোদি অমসুং হোম মিনিস্তর আমিত সাহগী মফমদা হরাও তয়াম্বা ফোঙদোকখি। আসাম রাজ্য অসি হৌখিবা কুমজা ১৯৯০ দগী হৌদুনা দিস্তার্ব এরিয়া লাউথোরকখিবনি। মসিগী মতুংদা ৬২ রক হন্না আইন অসি মখা শাংথদুনা লাকখি। পনবা য়াই, অৱাং নোংপোক্কী ওইনা খৃকুমজা ২০১৪ গী মতুংদগী অহানবদা মিজোরামদগী আফস্পা লৌথোকখি। মতুংদা মেঘালয়দগী অদুগা হৌখিবা চহীদা অরুনাচর প্রদেস রাজ্যদগী মফম অনি থাদোক্লগা আইন অসি লৌথোকখি। আসামগী অপুনবা জিলা ২৩ দগী আইন অসি লৌথোকখ্রে। অদুম ওইনমক রাজ্য অসিগী তিনসুকিয়া, দিব্রুগর, চরাইদেও, সিবসাগর, যোরহাত, গোলাঘাত, কার্বিআংলোং, ৱেস্ত কার্বি আংলোং, দিমা হাসাও হায়রিবা দিস্ত্রিক মাপন অসিগা লোয়ননা অমসুং কাছার জিলাগী লখিপুর সাব দিবিজনদা আফস্পা এপ্রিলগী তাং ১ দগী হৌরগা চৎনগনি হায়না পাউগী মীফমদা ৱা ঙাংলদুনা আসামগী সিএম দা হিমন্ত বিশ্ব শর্মনা ফোঙদোকখিবনি।
উৎলিবা আসামগী মেপ অসিদা মচু শংলবা জিলাশিং অসিনা আফসপা চৎনরিবা মফমশিংনি অদুগা মেপতা মচু শংদবা অঙৌবা মচুগী জিলাশিং অসিনা এক্ট অসি লৌথোক্লবা মফমশিংনি। মনিপুরগী ওইনা Imphal West, Imphal East, Thoubal, Bishnupur,kakching amadi jiribam দিস্ট্রিক কী দিস্ত্রিক ৬ অসিগী পুলিস স্তেসন ১৫ না কোনবা মফমশিংদগী আফসপাগী সেক্সন থ্রীগী মখাদা দিস্তার্সব এরিয়া লাউথোক্লম্বা অদু লৌথোকলে হায়রি। অদুগা নাগালেন্দা দিস্ট্রিক ৭ কী পুলিস স্তেসন ১৫ না কোনবা মফমদগী আফসপা লৌথোকপগী ৱারেপ লৌখ্রে।
মখাগী লিঙ্ক অসিদা ক্লিক তৌরগা পাউ অসি ইউটিউবতা য়েংবিউ 👉
0 Comments
Comments ...