শিলচর সদর থানাগী এএসআই লাইশ্রম গৌরবিধু থবক মফমদা মশাগী সার্ভিস পিস্টোলনা কাপশিন্দুনা শিজখ্রে

লখিপুরওনলাইন দিজিতেল দেস্কঃ য়াম্না নুঙাইতবা থৌদোক অমদা শিলচর সদর পুলিস স্টেসনদা এএসআই ওইনা লৈরিবা লাইশ্রম গৌরবিধু সিংহ মহাক্কী থবক মফমদা মশাগী সার্ভিস রোভোলবরনা কাপশিন্দুনা শিজখ্রে। থৌদোক অসিগী মতাংদা শিলচরদগী ফংবা পাউ অসিনা হায় থৌদোক অসি মার্চকী তাং ২১, ২০২২ নিংথৌকাবা নুমিৎকী নুংথিল পুং ৩ গা মিনিট ১৫ তারকপা অদুৱাইদা মহাক্না ফমলিবা চেয়ার অদুমক্তদা মশাগী সার্ভিস নোংমৈ অদুনা কাপশিজখিবনি হায়রি। থৌদোক অসিগী মতাংদা পাউ ফংবগা কাছারগী গী এসপি দাঃ রমন্দীপ কৌর শিলচর সদর থানাদা লাকতুনা য়েংশিনখি। অমসুং অসিবা মশা লৌখৎতুনা পোস্ত মোর্তেমগী দমক শিলচর মেদিকেল কোলেজতা থাখি। লাইশ্রম গৌরবিধু, কাছার জিলাগী উধারবন্দ কনস্তিটুয়েন্সিগী মনুং চনবদা লৈবা মোইনারবন্দ খুঙ্গংদগীনি। মশাগী চহী ৫৩ শুখ্রে। মহাক্কী নুপী অমদি মচানুপা ২ গা মচানুপী ১ গা লোয়ননা অতৈ ইমুংগী মীওইশিংনা থমোয় শোকনা খাঙহৌরি। 

থৌদোক অসিগী মতাংদা কাছারগী এসপি দাঃ রমন্দীপ কৌরনা মহাক অসি হোৎনবা কনবা, ইংতপ্পা মীওইনি হায়রদুনা করি মরমগী মশা মথন্তা শিজরিবনো হায়বসিগী মতাংদা তাংদাংবা মরম থীদোক্নবা হোৎনগনি হায়না পাউমীশিংদা ফোঙদোকখি। 👉 https://youtu.be/03C-YBj0KTU