ঙসি

স্কুল স্পোর্তস্ সেন্টর কমিতিনা শিল্লাংদুনা "২শুবা স্কুল স্পোর্তস্ মীত ২০২২" কাছারগী তোলেনখুনদা পাঙথোক্লগনি।

লখিপুরওনলাইন নিউজ দেস্কঃ স্কুল স্পোর্তস্ সেন্টর কমিতিনা শিল্লাংদুনা "২শুবা স্কুল স্পোর্তস্ মীত ২০২২" পাঙথোক্লগনি। ফুতবোল, সেপাকতাক্রো অমসুং থাং-তা মশান্নশিংগী ওইবা তোর্নামেন্ট অমা লাক্লিবা ফেব্রুৱারগী তাং ১২ অমসুং ১৩ দা কাছার লখিপুর ৮০ মনুং চনবদা তোলেনখুনগী ফুতসাল শান্নবুঙদা পাঙথোক্কদৌরি। স্পোর্তস্ কমিতি অসিদা এফিলিয়েত্ তৌরবা স্কুল ৩১ না হায়রিবা তোর্নামেন্ট অসিদা শরুক য়ারগনি। ফুতবোলগী ওইনা শান্নরোইশিংগী ত্রাইয়েল সেলেক্সন অমসু পাঙথোক্কনি। দিল্লি অমসুং হরিয়ানাদা লৈবা দিপিএস অমসুং ইন্টরনেসনেল স্কুলদা মহৈ তম্নিংবা মহৈরোয়শিংনা তোর্নামেন্ত অসিগী খুত্থাংদা খনগৎতুনা শান্নখোৎনবগা লোয়ননা মহৈ তম্বগী খুদোং চাবা পীগদৌরি। হীরম অসিগা মরী লৈননা নোর্থ জোনগী ফুতবোলগী তেকনিকেল দিরেক্তর স্রী নীকেস সিং হরিয়ানাদগী লাক্তুনা হায়রিবা তোর্নামেন্ত অসিদা য়ারগনি হায়না স্পোর্তস্ কোর্দিনেতর এলাংবম প্রেমাকান্ত না খঙহল্লকলি। পনবা য়াই সেপাকতাক্রো অমসুং থাং-তা মশান্ন অসি অহানবা ওইনা হন্দক্কী স্কুল স্পোর্তস্ মীত অসিদা হাপচীনবনি হায়রি। থৱায় য়াওবা লমদমসিগী স্কুলশিংনা হায়রিবা তোর্নামেন্ত অসিদা শরুক য়াবিউ হায়না স্পোর্তস্ কোর্দিনেতরনা মখা তানা ফোঙদোরকলি। https://youtu.be/6r3-ImGSIUU

Post a Comment

0 Comments