সোনাই চান্দপুরগী শক্নাইরবা পুংয়ৈবা ওজা অনি নামব্রম য়াইমা অমসুং মুতুম চাউভল লৈখিদ্রে

লখিপুরওনলাইন দিজিতেল দেস্কঃ মনিপুরী নট্ সংকীর্তনগী পুংগী লমদা থোইদোক হেন্দোক্না শক্নাইরবা কাছার জিলাগী সোনাই চান্দপুরগী পুংয়ৈবা ওজা অনি নাম্ব্রম য়াইমা অমসুং মুতুম চাউভল লৈখিদ্রে। ঙরাং ইরাই নুমিৎ জনুৱারীগী তাং ৪ দা নোংমতদা পুংয়ৈবা অজা অনি অসিনা লৈখিদবদা ইমুং মনুং মরী মতা অমদি মীওই কয়ানা থমোয় শোক্না অৱাবা ফোঙদোক্নরি। 
শ্রী নাম্ব্রম য়াইমা ওল ইন্দিয়া রেদিও শিলচরগী এপ্রুভ আর্তিস্ত ওইনা মতম কুইনা মীয়ামগী থৌগল তৌরম্মী। মনিপুরী নট সংকীর্তনগী পুংগী লমদা তৌবিরম্বা খুদোল কয়াবু শকখঙবা ওইনা আসাম মনিপুরী সাহিত্য পরিষদ না শ্রী নাম্ব্রম য়াইমদা বাদ্য ভুষণ মনা পীদুনা ইকাই খুম্নখি। শ্রী য়াইমা লৈখিদবা মতমদা মশাগী চহী ৯০ শুখ্রে।
শ্রী মুতুম চাউভল মশাগী ময়ুম কাছার সোনাই চান্দপুরদা ঙরাং ফেব্রুৱারীগী তাং ৪ দা লৈখিদে। লৈখিদবা মতমদা মশাগী চহী ৮৬ সুখ্রে। মনিপুরী নট সংকীর্তনগী পুংগী লমদা তৌবিরম্বা মহাক্কী খুদোল কয়াবু শকখঙলদুনা আসাম মনিপুরী সাহিত্য পরিষদ না বাদ্য ভুষণ মনা পীদুনা ইকাই খুম্নখি।  https://youtu.be/CqKlmMtEKF8