শেলথুম মন্ত্রীনা লোকসভাদা ২০২২ - ২৩ গী কেন্দ্রগী বজেত্ পুথোকখ্রে, মমাংগী বজেৎতকী চাদা ৩৫.৪ দা হেনগৎলে।

লখিপুরওনলাইন দিজিতেল দেস্কঃ শেলথুম মন্ত্রী নীর্মলা সিতারমননা লোকসভাদা ঙরাং ২০২২ - ২৩ গী কেন্দ্রগী বজেত্ পুথোকখ্রে। মমাংগী বজেতকী শেনফমদগী হন্দক্কী বজেতগী চাংনা চাদা ৩৫.৪ দা হেনগৎলে। অৱাং নোংপোক রাজ্যগী চাউখৎ থৌরাংগী দমকতা প্রাইম মিনিস্তর-দি.ই.ভি.আই.এন.ই. কৌবা অনৌবা স্কীম অমা লাউথোকখ্রে, স্কীম অসি নোর্থ-ইস্তর্ন কাউন্সিলগী খুত্থাংদা থবক ওইনা পাঙথোক্লগনি। অনৌবা স্কিম অসিদা অহানবগী ওইনা লুপা ক্রোর ১৫০০ গী ওইবা পোরম য়াৎথোক্লগনি হায়রি। মসিনা অৱাং নোংপোক্কী মথৌতাবা সোসিএল দিবলপমেন্ত প্রোজেক্তশিংদা থাদরগনি। থৌরাং অসিনা নহাশিং অমসুং নুপীশিংগীদমক কান্নবা ফংহল্লগনি হায়না মন্ত্রীনা ফোঙদোকখি। মসিগী মনুংদা মিজোরামগী আইজোল বাইপাস সানবা লুপা ক্রোর ৫০০ খাক্তুনা থমখ্রে। অদুমওইনমক মসিনা হৌজিক লৈরিবা কেন্দ্র নত্রগা রাজ্যগী স্কিমশিংগী মহুৎ শিনবদি ওইরোই হায়খি। মালেমগী থাক্তা দিজিতেল ইউনিভার্সিতি অমা লিংখৎলগনি হায়খি। রিজোনেল লেঙ্গুয়েজ য়াওনা লম লমগী ওইবা লোনগী তিভি চেনেলশিং থম্বগা লোয়ননা মহৈরোয়শিংগী দমক ক্লাস খুদিংগী চেনেল অমমম থম্লগনি লোয়ননা চীপ য়াওবা ই-পাসপোর্ত শিজিন্নরগনি হায়রি।  রিজার্ব বেঙ্ক অফ ইন্দিয়ানা ব্লোক চেইন তেক্লোলোজি শিজিন্নদুনা লৈবাক অসিনা অনৌবা দিজিতেল রুপী চৎনহল্লগনি।  হন্দক্কী বজেততা ফিরোল, হীরাগী পোৎলমশিং, মোবাইল ফোন, চার্জর, পেত্রোলিয়ামগী পোৎচৈ নচিংবগী মমল হেনগৎলগনি। অদুগা নাকল অমরোমদা য়ানশিন্দ্রিবা আনব্লেন্দেদ পেত্রোল অমসুং দিজেল, এক্সরে মেসিন, হেদফোন,, অসিনচিংবগী মমল তাথরগনি হায়রি।

👉https://youtu.be/V230yHr84d0