সিন্দিকেত মরূ ফংনা মাংহন্নবগী কাছার জিলাদা ওল আউত ওপরেসন চৎথরগনি হায়না জিলাগী এসপি না ফোঙদোকখ্রে।

লখিপুরওনলাইন দিজিতেল দেস্কঃ কাছার জিলাগী লম্বীশিংসি হুরান লান্নাদা পোৎচৈ পুবগী ত্রানজিত রুট ওইনা শিজিন্নরে অদুনা সিন্দিকেত অসিবু মরূ ফংনা মাংহন্নবগী দমক্তা জিলা অসিদা ওল আউত অপরেসন চৎথরগনি হায়না কাছার জিলাগী এসপি রমনদীপ কৌরনা ফোঙদোকখ্রে। ৱাফম অসি মহাক্না শিলচরদা মহাক্কী লোয়শঙদা পাঙথোকখিবা পাউগী মীফম অমদা ফোঙদোকখিবনি। লৈঙাকনা লৌমীশিংগী দমক অতাবা মমলদা হার পীথরকলি অদুবু লমদম অসিগী ফত্রবা মীওই খরনা মসিবু থৈদোকতুনা অতোপ্পা রাজ্যদা য়োন্থোকলি। হারগী সিন্দিকেত তা নত্তনা বর্মাগী ক্বা অমদি দ্রাগ নচিংবা অতৈ পোৎলম কয়া হুরান লান্নদা পুথোক পুসিন তৌরিবা গেং খুৎপু অসিবু মরূ ফংনা মাংহনগনি হায়না মহাক্না মখা তানা ফোঙদোকখি। https://youtu.be/CqKlmMtEKF8