কাছার বাম রামপুরগী মৈতৈ মচা দ্রাইভর অমা মিজোরামদা মীহাৎথীনা হাত্তোকপিরমলে, শিলচর মিজোরাম লম্বী থীংখ্রে।

লখিপুরওনলাইন নিউজ দেস্কঃ কাছার জিলাগী ধোলাই থানাগী মনুং চনবদা লৈবা বাম রামপুর খুঙ্গংগী কে অরুন সিংহগী মচানুপা তেঙ্কী দ্রাইভার প্রবিন কুমার সিংহ বু মীজোরামদা মশক খঙদবা মীওইশিংনা তমথিবা মওংদা হাত্তোকপিরমলে। অদুগা মহাক্কী লোয়নবা এন নীপেন সিংহবুনা মিজোরাম পুলিসনা ফাজিন্দুনা থমখ্রে। 
প্রবিনবু মীহাৎ থীনা হোত্তোকপীবা অমসুং মরম চাদনা নীপেনবু ফাজিন্দুনা থম্বগী মতাংদা লমদম অসিগী খোয়শাওনরবা মীয়ামনা মীহাৎপশিং পুথোক্কদবনি অদুগা ফাজিন্দুনা থমলিবা নীপেনবু অথুবা মতমদা থাদোরক্কদবনি হায়না দাবী 
তৌরদুনা ফেব্রুৱারীগী তাং ১ লৈবাকপোকপা নুমিত্তা শিলচর মিজোরাম হায়ৱে রামপ্রসাদপুরদা থীংজিন্দুনা থমখি। লমদমসিগী মৈরা পায়বী অমসুং খুলগী মীওইশিংনা কাছার জিলাগী দিসি গী মফমদা হীরম অসিগী মতাংদা অইবা চেরোল পীদুনা লৈখিদ্রবা কে প্রবিন কুমার গী মীহাৎপশিং পুথোক্নবা অমসুং ইমুং মনুংদা লুপা লাখ ৫০ কম্পেনসেসন পীবিনবা তকশিনখি।
থৌদোকফমদা থুংলখিবা কাছারগী এসপি রমন্দীপ কৌরনা হীরমসিগী মতাংদা লংলা লংজীন পুথোক্নবা হোৎনগনি হায়বগী থাজবা পীরমখি। 
কাছার জিলা তৃণমুল কংগ্রেসকী জেনরেল সেক্রেটরী দাঃ মাইমোম সান্তিকুমারনা থৌদোক অসিগী মতাংদা থমোয় শোক্না পেন্দবা 
ফোঙদোক্লদুনা থৌদোকসিগী মতাংদা কুপ্না থীজিন্নবা দাবী তৌখিবগা লোয়ননা হাত্তোকপিখ্রবা প্রবিনগা লোয়নখিবা নীপেনবু থাদোরকত্রিফাওবা খোংজং অসি লেপখিরোই হায়বগী ৱাফম ফোঙদোকখি। লৈকায়গী মীয়াম্নসু থৌদোক অসিগী মতাংদা কন্না য়ানিংদবা ফোঙদোক্নখি।👉 https://youtu.be/V230yHr84d0