শিঙ্গেরবন্দ লৈরাই কিন্থবা ঙাক্নবা অনিশুবা ফেসকী থবক হৌনবা ঊরেপ ঊয়ুং তমখ্রে, লখিপুর বিধানসভা কেন্দ্রদা লুপা ক্রোর চাম কায়থোক্লগনি।

লখিপুরওনলাইন দিজিতেল দেস্কঃ আসাম সরকারনা সিঙ্গেরবন্দকী লৈরাই কিন্থবা ঙাক্নবা অনিশুবা ফেসকী ওইনা চাওরাক্না লুপা ক্রোর ৩ মখায় সেঙ্কসন পীবিরকপগী থবক হৌননবা আসামগী ৱাতর সিসোর্সেস মন্ত্রী শ্রী পিযুস হাজারিকা অমসুং লখিপুরগী এমএলএ শ্রী কৌশিক রায় না শিঙ্গেরবন্দ মুতুম লৈকায়দা য়ুমশাকৈশা নুমিৎ ফেব্রুৱারীগী তাং ৯ দা ঊরেপ উয়ুং তমখ্রে।
থৌরম অসিগা মরী লৈননা শিরোইলিলি রাসমনি ইংলিস স্কুলদা পাঙথোকখিবা মীয়ামগী ওইবা অফোঙবা মীফমদা আসামগী ৱাতর রিসোর্সেস মন্ত্রী শ্রী পিযুস হাজারিকা, লখিপুরগী এমএলএ শ্রী কৌশিক রায়, কাছারগী দিসি শ্রীমতি কীর্তি জোল্লী, বিজেপী কাছারগী দিস্ট্রিক প্রেসিদেন্ট বিমলেন্দু রায়, এদিসনেল চীফ ইনজিনিয়ার প্রনব কুমার, একজিকিউতিব ইনজিনিয়ার শ্রী অসিত দে, মনিপুরী দিভলপমেন্ত কাউন্সিলগী চেয়ারপার্সন শ্রীমতি রীনা সিংহ, বিন্নাকান্দি মন্দল প্রেসিদেন্ট শ্রী বিদ্যাপতি, লখিপুর মন্দল প্রেসিদেন্ট শ্রী সঞ্জয় কুমার ঠাকুর, সোসিয়েল ৱার্কর সিঐইচ মোহন সিং নচিংবনা দাইসতা লেঙশিনখি। ইকায় খুম্ননিঙাই ওইরবা মীথুংশিংনা মৈরা চুখৎতুনা থৌরম হৌদোকলবা মতুংদা সিঙ্গেরবন্দ দিভলপমেন্ত এসোসিয়েসগী মাইকৈদগী জেনরেল সেক্রেটরী য়ুম্নাম নদিয়াচাঁন্দনা মন্ত্রী শ্রী পিযুস হাজারিকাদা মীতৈ কোয়েৎ হুকতুনা ইকাই খুম্নখি। মতুংদা সিঙ্গেরবন্দা বরাক তুরেলগী লৈরাই কিন্থবা ঙাক্নবগী দমক আসাম সরকারগী মাইগৈদগী ফেস্ ৱান অমসুং ফেস্ টু দা পীথরকখিবগী মতাংদা ফোঙদোক্লদুনা লমদমসিগী লম্বী থোঙ শেমলকখিবনচিংবগী সরকারগী ফজরবা স্কীম কয়া পল্লদুনা ৱাফম কয়া ফোঙদোক্নখি। মখা চৎথরকপা ওইনা সিঙ্গেরবন্দ দেভলপমেন্ট এসোসিয়েসন, ইজুকেসনেল য়ুথ্ ক্লাব, শিঙ্গেরবন্দ ফুতবোল একাদেমী, শিরোইলিলি রাসমনি ইংলিস স্কুল, মৈরা লূপ মুতুম লৈকায়গী মাইগৈদগী মখল কয়াগী দাবী কয়া য়াওরবা মেমোরেন্দমশিং এমদিসিগী মেম্বর কৈশাম চম্পালাল না মন্ত্রী অমসুং এমএলএগী মফমদা খুৎশিন্নখি। ওবিসিগী চেয়ারমেন শ্রী অভিরাম শর্মানা প্রোগ্রাম কনদাক্ট তৌবিখি লোয়শিল্লকপদা শ্রী য়ুম্নাম নদিয়াচাঁন্দনা থাগৎ-ৱাহৈ পীখি। Watch On Youtube👉 https://youtu.be/cjUlEZvTiac