আসাম মনিপুরী সাহিত্য পরিষদ কামরূপ দিস্ট্রিক কমিতিগী ৩৩শুবা চহীগী মীফম চীঙলেমনা পাঙথোকখ্রে।

লখিপুরওনলাইন নিউজ দেস্কঃ আসাম মনিপুরী সাহিত্য পরিষদ কামরূপ দিস্ট্রিক কমিতিগী ৩৩শুবা চহীগী মীফম জনুৱারী তাং ৩০, ২০২২ নোংমাইজিং নুমিত্তা পিদব্লিউদি কনভেন্সন এন্দ ত্রেনিং সেন্টর ওদিতোরিয়াম দীসপুরদা কোভিদ ১৯ গী  চৎন কাংলোন ঙাকতুনা পাঙথোকখ্রে। পরিষদকী ফিরাল চীংখৎপা অমসুং হৈলৈ কৎলবা মতুংদা অয়ুক্কী থৌরমশিং পরিষদকী কামরূপ দিস্ত্রিক কমিতিগী ভিপি কৈশাম হেমচন্দ্রনা মীফম মপু ওইদুনা হৌদোকখি। মনিপুরী রাজবারী ব্রাঞ্চকী প্রেসিদেন্ট য়েংখোম ধনকুমার সিং, দিসপুর ব্রাঞ্চকী প্রেসিদেন্ট য়েংখোম উপেন্দ্র সিং দাইজতা ফমখি। কামরূপ দিস্ট্রিক কমিতীগী সেক্রেটরী কারাম পুন্সি না চহীগী পাউদম মীয়ামদা তাহনখি অদুগা লূপকী ত্রেজররনা চাগা চাদিংগী পাউদম পীখি।
লূপ অসিগী লাক্কদবা থবকথৌরমশিংগী পায়খৎপা য়াবা হীরমশিংগী মতাংদা ব্রাঞ্চ অনিগী মেম্বরশিং অমদি কামরূপ দিস্ট্রিক কমিতিগী মেম্বরশিংনা মাগী মাগী ৱাখল্লোন ফোঙদোক্নখি। ৱাঙাংলোয়শিং অদুদি মথংশিৎনা দাঃ ফুরিৎশাবম বিরমনি, খেমাময়ুম দিলিপ, থোকচোম ঙৌবা, ক্ষেত্রিময়ুম সিংহজিৎ, মুতুম বিরমনি, লৈশুংবম রাজকিশ্বর, ৱাহেংবম হেলেনসনা, কব্রবম জয়কুমার, গৌরব শর্মা থোঙগ্রাতাবম, য়েংখোম উপেন্দ্র, য়েংখোম ধনকুমার অসিনচিংবনি।
কামরূপ দিস্ট্রিক কমিতিগী লাক্কদবা থবক থৌরম কয়াগী মতাংদা ৱারেপ তরা লৌখি। মতুংদা দাঃ ফুরিৎশাবম বিরমনিনা মোদরেতর ওইদুনা শৈরেং শৈদিন্নবগী থৌরম অমসু পাঙথোকখি। চাওরাক্না অইবা ১১ রোমনা মশানা ইজবা শৈরেং পাথোকখি।
চাকলেন ফংমিন্নরবা মতুংদা নুংথিলগী অফোংবা মীফম ক্ষেত্রিময়ুম সিংহজিৎনা এঙ্কর ওইদুনা চৎথখি। কামরূপ দিস্ট্রিক কমিতিগী ভাইস প্রেসিদেন্ট কৈশাম হেমচন্দ্রনা মীফম মপু, আসাম মনিপুরী সাহিত্য পরিষদ সেন্ত্রেল কমিতিগী ভাইস প্রেসিদেন্ট এন বিদ্যাবাবু না চীফ গেস্ত, এক্স ভিপি আসাম মনিপুরী সাহিত্য পরিষদ সেন্ত্রেল কমিতি পি কামিনি না গেস্ত ওফ ওনর, থীংবাইজম কুলমনি অমদি থীয়াম গৌরচন্দ্রনা স্পিসিয়েল গেস্ট ওইনা শরুক য়াখি। 
চীফ গেস্তনা মৈরা চুখৎলবা মতুংদা রিতায়ার্দ কেপ্তেন হিজম জয়মনি না তরাম্না ওকপগী ৱারোল পীখি। নট সংকীর্তনগী লমদা শক্নাইরবা ওজা মরি দা ইকায় খুম্নবা উৎপগা লোয়ননা লেংয়ান ফি, সাইতেসন অমদি সার্তিফিকেত খুদোল তমখি।
মতুংদা কেদিসি না পুথোকপা "কুরঙ্গনয়নী" হায়না মীংথোনবা চহীগী ওইবা জর্নেল অমা চীফগেস্তনা মাইখুম হাংখি। অদুগা হিদাম দোলেন না ইবা "অহীংসে নুমিৎ তারেনে" হায়না মীংগৌবা ৱারীমচা লাইরিক অমসু ফোংবিখি।
ৱাঙাংলোয় কয়ানা ৱারোল কয়া থম্বীরবা মতুংদা স্পিসিয়েল গেস্ত, গেস্ট অফ ওনর, চীফ গেস্তশিংনা মাগী মাগী ৱারোল পীরবা মতুংদা মীফম মপুনা ৱারোয়শিন থম্বীখি। অমদি কামরূপ দিস্ট্রিক কমিতিগী এসিস্টেন্ট সেক্রেটরী জিএস থোঙগ্রানা থাগৎ ৱাহৈ পীখি। মীফম মপুনা নুমিৎসিগী মীফম অদু চীংলেমনা লোয়শিনবিখি হায়না আসাম মনিপুরী সাহিত্য পরিষদ কামরূপ দিস্ট্রিক কমিতিগী এসিস্তেন্ট সেক্রেটরী জিএস থোঙগ্রা গী প্রেস চেরোল অমদা ফোঙদোরকলি। https://youtu.be/pyN6ol5kxEo