ঙসি

কংলৈপাক মণিপুর অসি মহাভারতকী মতমদগী হৌনা ভারতকী পুৱারীদা শরুক য়ারকখিদে - সিকো

লখিপুরওনলাইন দিজিতেল দেস্কঃ কংলৈ খুন্নাইগী শিথরুরবা লোন, ইনাৎ অমসুং লাইনিংনচিংবগী হিঙ্গৎ ঈহৌ কনখৎহনবা হায়বসি কলৈচা ঐখোয়গী মাঙদা তারবা তঙাইফদ্রবা তৌফম থোকপা থৌদাংনি। কংলৈচাশিংনা ঐখোয় মীতৈনি, ঐখোয় ইশাগী ইরোল ইয়েক, লাইনিং ইনাৎকী ওইবা চৎনরোল থৌরম পরেং শুনা লৈজৈ। অদুনা ঐখোয়গী হান্নগী লিচৎতা নিংতমনা হৌগৎ কাংখৎপা ঙম্ননবা হৌৎনজবগী ঐখোয়গী হক লৈ হায়বসি নিংশিংবগা লোয়ননা মীকপ থোকতুনা লমগী ষণনা মচি শাংহন্নিংবগী থৌওং থাদোকপগী মতম ওইরে হায়না সাউথ ইস্ত এসিয়া কলচারেল ওর্গেনাইজেসন সিকোগী সেক্রেটরি পব্লিসিটি থাংজম ইনাওচানা থাদোরকপা চেরোল অমদা ফোঙদোরকলি। চেরোল অসিনা মখা তারদুনা অদুঙৈগী কংলৈপাক ঙসিগী মণিপুরগী মীতে ফুরুপ (নেসন) অসিগী মনাৎ অমসুং লাইনিংগী তোপ তোপ্পা মশক লৈজরকই। অদুবু লাইক থীবদি মীতৈ অয়াম্বা মপানগী হিন্দুলাইনিং লৌহনখিবদগী ফুরুপকী চৎনরোলদা মরিং মরাংবা হৌরকখি। চেরোল অসিনা মখা তারদুনা হায় ইরমদম অসিদা নৌনা থোরকপা লাইরিকশিংদা মীতে ঐখোয়গী ইপা ইপুশিংবু নত্রগা পুন্না লৈমিন্নরিবা অতৈ ফুরুপশিংবু খোঙ্গাওনবা মওংদা শেরান তুরান, মখা তানা অরানবা পুৱারী ইশিনবীরনু। মসিদা লান্না লান্না চৎখিগনি হায়না ফোঙদোরকলি। 
হিন্দুঅরিয়ানগী ওইবা মহাভারতকী লান তৌদ্রিঙৈদা মোঙ্গোলোইদ মীতেগী মশাগী ওইবা চৎনবীদা য়াম্না খুমাঙ চাওশিন্না নিংথৌ পানবা লৈবাক ওইদুনা চহী লিশিং কয়া পাল্লক্লবনি হায়না চেরোল অসিনা ফোঙদোক্লদুনা হন্দক হরাওরৌদা দা মোহোন ভাগবতনা লাইরিক ফোংবনচিংবা থৌরম অমদা ঐখোয়গী ইরমদম কংলৈপাক মনিপুর অসি মহাভারতকী মতমদগী হৌনা ভারতকী পুৱারীদা শরুক য়াদুনা অমদি কৎথোকতুনা লাকলি হায়বসি মহাক্কী হেনজিনবা ৱাহৈনি হায়রি। হান্না মমাংদা ইখিবা ফোংদোকখিবা অরানবা ৱাফমশিং অথুবা মতমদা শেমদোক চুমথোকপীয়ু নত্রবদি সিকোনা মীৎয়েং চংলগনি হায়না চেরোল অসিদা মখা তানা ফোঙদোরকলি।  👉 https://youtu.be/Lqqssi9uBJI

Post a Comment

0 Comments