য়াম্বেম সনামচানা মনুং মতম চাদনা লৈখিদবদা নোংথাংলৈমা, বনতারাপুরনা অৱাবা ফোঙদোকখ্রে।

লখিপুরওনলাইন দিজিতেল দেস্কঃ নোংথাংলৈমা, বনতারাপুরগী ভাইস প্রেসিদেন্ট ওইনা থৌ পুরম্বা য়াম্বেম সনামচানা মনুং মতম চাদনা লৈখিদবদা লুপ অসিগী প্রেসিদেন্ত হাওরোংবম বিমোলনা মীফম মপু ওইদুনা অৱাবা ফোঙদোকপগী মীফম অমা দিসেম্বরগী ৩১ দা পাঙথোকখ্রে। ৱান ফোর সিক্স ঐইত নম্বর মিদল বনতারাপুর এলপি স্কুলদা পাঙথোকখিবা মীফম অসিদা লৈখিদ্রবা য়াম্বেম সনামচা না হিংলিঙৈদা সমাজ থবক থৌরম কয়াদা মহাক্কী খুদোলশিংবু শিংথারদুনা তোঙান তোঙানবা মীওই কয়ানা ৱা ঙাংখি। নোংথাংলৈমাগী জেনরেল সেক্তেতরী লাইশ্রম বিমোল, একজিকিউতিব মেম্বর লাইতোনজম বাবাহন, ৱাই বীরচন্দ্র অমসুং কে ওসিনি কুমার, ওক্সফোর্দ সিনিয়ার সেকেন্দরীগী প্রিন্সিপাল এনজি নবনি সিংহ, সোসিয়েল এক্টিভিস্ত ইউ রাজকুমার, জোতিস সাস্ত্রী ঐইচ অমরেন্দ্র অমসুং নোংথাংলৈমাগী প্রেসিদেন্ট ঐইচ বিমোল নচিংবা মীওইশিংনা ৱা ঙাংখি। লোয়শিল্লকপদা লৈখিদ্রবগী থৱায় মীরেলনা তায়বঙ মপুগী নাক্তা ইংনা চীকনা লৈরুনবা থৌনিজখি হায়না লুপকী জেনরেল সেত্রেতরী লাইশ্রম বিমোলনা থাদোরকপা চে রোল অমদা ফোঙদোরকলি। VIDEO LINK https://youtu.be/kT2b5HgfNG4