বরাক তম্পাক্কী ৱাইল্দ লাইফ সাফারী ধোলাইগী রজনিখালদা লম হেক্তর ১৮০ না কোনবা মফমদা শেমগৎলগনি।

লখিপুরওনলাইন নিউজ দেস্কঃ কাছার জিলাগী ধোলাই বিধান সভা কেন্দ্রগী মনুং চনবদা লৈবা রজনিখালদা লম হেক্তর ১৮০ কোনবগী মফমদা শেমগৎকদৌরিবা সাফারি অসিদা মখল মখা কয়াগী শা উচেক কয়া থমগদৌরি। সিলচরদগী কিলোমিতর ২০ রোম চৎলগা লৈবা মফম অসিগী লম য়েংবগী থবক লোয়শিল্লে, থাইলেন্দগী মালেমনা শকখঙলবা ওর্গেনাইজেসন অমনা হায়রিবা সাফারি অসিগী মতাংদা য়েংশিনগনি হায়না থাজবা য়াবা পাউ অমনা হায়রি। লুপা ক্রোর ২১৪ চংনা শাগদবা বরাক তম্পাক্কী ৱাইল্দ লাইফ সাফারী অসিগী মতাংদা মুখ্যমন্ত্রী দাঃ হিমন্ত বিশ্ব শর্মানা দিমা হাসাও জিলাগী হাফলোংদা পাঙথোকখিবা লৈঙাক্কী অহুমশুবা কেবিনেত মীফমদা লাউথোকখিবা লৈখ্রে। বরাক তম্পাক্কী ৱাইল্দ লাইফ সাফারী অসি লমকোয়বা লাকপশিংগী মীৎয়েংফম অমদি সোয়দনা ওইরগনি। https://youtu.be/kjmGxjENIx0