মেঘালয়াদসু নাইত কার্ফিউ থমখ্রে, লেয়ার অমত্তগী ওইবা মাস্ককী মহুত্তা লেয়ার অহুমগী ওইবা মাস্ক শিজিন্ননবা অকনবা ৱাফম থম্লকলি।

লখিপুরওনলাইন দিজিতেল দেস্ক : ভারত্তা কোবিদ কী কেস মাইগৈ কয়াদা হেনগৎপা থেংনবনা মরম ওইরগা মেঘালয়া রাজ্যদসু অনৌবা চৎন কাংলোন পুথোকখ্রে। রাজ্য অসিদা নৌনা অথীংবা কয়া 

থমখিবগা ইরোইননা নুমিদাংগী পুং ১০ দগী হৌরগা অয়ুক্কী পুং ৫ ফাওবা নাইত কার্ফিউ থমলে। অতোপ্পা রাজ্যশিংদগী মেঘালয়াদা চংলকপা মীওই খুদিংমক কোবিদকী ভেক্সিন দোজ অনিমক থীল্লবা ওইগদবনি অমসুং পুং ৭২ গী মনুংগী আরটিপিসিআর নিগেতিব ওইবগী রিপোর্ত য়েংহনবা তাগনি। প্রাইভেত গারীশিং ইভেন 

ওদ কী নীওম মখাদা লম্বীদা চেনবা য়াগনি। অশি অনাগী থৌরমদা মীওই ৫০ দগী হেনবা য়ারোই। হায়বনচিংবা তোঙান তোঙানবা চৎন পথাপ কয়া পুথোকখ্রে। রাজ্য অসিদা লাউথোকখিবা মাস্ক শিজিন্নবগী নীওম মতুং ইন্না লেয়ার অমত্তগী ওইবা মাস্ক উপ্পা য়ারোই হায়খ্রে। মসিগী মহুত্তা থ্রী প্লাই সার্জিকেল মাস্ক নত্রগা এন নাইন্তিফাইব মাস্ক শিজিন্নগদবনি হায়বগী ৱাফম লাওথোকখ্রে। হায়রিবা অনৌবা অথীংবা কয়া অসি জনুৱারীগী তাং ৫ দগী হৌদুনা চৎনবা হৌগদবনি হায়না মেঘালয়া লৈঙাক্কী মাইগৈদগী ফোঙদোকলি। Video Link >https://youtu.be/qoK19sEqcow