লাকলিবা ৱাকচীংগী ২সুবা নোংমাইজিং জনুৱারীগী ১৬ তা পাঙথোক্কদবা ঈরাৎ থৌনীগা মরী লৈননা খ্বাইরাক ঈরেল ঙাকসেল্লুপ লখিপুরগী তীম অমা মাংজৌননা লাইফমগী অকোয়বা য়েংশিনগদৌরি।

লখিপুরওনলাইন দিজিতেল দেস্কঃ খ্বাইরাকপা ঈরেল উমংলাই ঙাকশেল্লুপ কাছার লখিপুরগী থৌশিল কাঙলুপ অমদি নহারোলশিংগী মীফম অমা জনুৱারীগী তাং ২ নোংমাইজিং নুমিত্তা বিন্নাকান্দি পার্ত ৱান বরাক ব্রীজ মনাক্তা লৈবা মনিতোম্বী শর্মাগী কমিউনিতি হোলদা ঙাকশেল্লুপকী প্রেসিদেন্ট ঙাঙোম নীরঞ্জননা মীফম মপু ওইদুনা পাঙথোকখ্রে। মীফমনা লাক্লিবা জনুৱারীগী তাং ১৬ ৱাকচীংগী অনিসুবা নোংমাইজিং নুমিত্তা পাঙথোক্কদৌরিবা ঈরাৎ থৌনীগী মতাংদা কুপ্না খন্ন নৈনখি অমসুং ঈরাৎ থৌরম অসিগী মাংজৌননা ঙাকশেল্লুপকী তীম অমা জনুৱারীগী তাং ৩ ফুলেরতল ফেরিঘাততগী অয়ুক্কী পুং ৭ তা খোঙশান্দুনা লাইফমগী অকোয়বা শেংদোকপা অমসুং মাংজৌননা শেমজিন শাজিনবা য়াবশিং পাঙথোক্লগনি হায়না ঙাকশেল্লুপকী সেক্রেতরী তৌরাংবম নগেন্দ্রগী চেরোল অমদা ফোঙদোরকলি।  Video Link > https://youtu.be/LF8w2ODdJ_U