লায়েংবগী দমক শিলচর এসবিআইদগী লৌথোরকখিবা লুপা লাখ ১ মখায়গী শেনফম মুল্লগা পুবিখ্রে।

লখিপুরওনলাইন নিউজ দেস্কঃ শিলচর পার্ক রোদতা লৈবা এসবিআইদগী শেল লৌথোক্লগা রিক্সাদা তোংলগা চৎলিঙৈদা বাইক তা লাকপা নুপা অনিনা নুপী অদুগী শেলবেগ অদু মুল্লগা পুখ্রে। থৌদোক অসি ঙরাং শগোলসেন নুমিত্তা শিলচর পার্ক রোদতা লৈবা এসবিআই দগী চেঙ্কুরী রোদতগীনা হায়বা সুমতি সিংহ কৌবা নুপী অমানা লুপা লাখ অমা মখায় মাগী মপুরোইবগী অনা লায়েংগী দমক লৌথোকচখিবা শেলনি, ঙসি ইরাই নুমিৎতা দিল্লিদা লায়েংবা চৎনবগী থৌরাং তৌবনি হায়রি। নুপী অসিনা রিক্সাদা তোংলিঙৈদা লুপা লাখ অমা মখায় য়াওবা বেগ অদু লাকতুনা পুখিবনি। মশাগী কার বেঙ্ক মমাংদা খামদুনা লৈরবসু মনাক নকপদা লৈবা হীদাক য়োনফম দুকান অমদা হিদাক লৈরুনবা রিক্সা তোংলুবদা লাইবক থীবা থৌদোক অদু থোকপনি হায়না পাউগী লিখুন অসিনা হায়রি। পাউ ফংবদগী পুলিসকী মীওইশিংনা থীহুম্বগী থবক চৎথখি অদুবু অফা অপুনগী পাউ লৈত্রি। চীংননিঙাই ওইরিবা ৱাফমদি মহাক্না বেঙ্কতগী শেল লৌথোকপসি অতম্ননা শেল লাকপা মীওইশিংনা করম্না ঙাইদুনা লৈরমখিবনো হায়বসিনি।  https://youtu.be/kjmGxjENIx0