ঙসি

নাওরেম বিদ্যাসাগরদা সাহিত্য একাদেমি বাল সাহিত্য মনা-২০২০ খুৎশিন্নখ্রে।

লখিপুরওনলাইন ডিজিতেল দেস্কঃ নভেম্বরগী চৈচৎ ১৪ ইং ২০২১, নোংমাইজিং নুমিৎকী নুংথিল পূং ৫.৩০ তাবা মতমদা ভুবনেশ্বর (উরিষ্যা) অশোক নগরদা লৈবা জয়দেব ভবনদা সাহিত্য একাদেমি, নিউদিল্লীনা শিন্দুনা সাহিত্য একাদেমিনা শকখঙলবা ভারতকী তোঙান-তোঙানবা লোল ২৪দা পীবা “বাল সাহিত্য পুরস্কার ২০২০”গী ওইনা মনা লান্থোকপগী থৌরম পাঙথোকখ্রে। সাহিত্য একাদেমিগী ভাইস প্রেসিদেন্ট মাধব কৌসিকনা মীফম মপু ওইদুনা পাঙথোকখিবা থৌরম অদুদা ভারতকী লেমজনিঙাই ওইরবা অঙাংগী সাহিত্যদা পীবা মনা অসি মণিপুরী লোনগী ওইনা “ঊচান মৈরা” হায়রিবা লাইরিক অসিগী অইবা নাওরেম বিদ্যাসাগরদা হৌনবী মতুং ইন্না খুৎশিনখ্রে। 

ডাঃ নাওরেম বিদ্যাসাগর সিংহ, আসামগী কছাড় জিলাগী লক্ষীপুর সাবদিভিজনগী মনুংচন্না লৈবা চপ্রৌ খুঙ্গংদগীনি। গুরুচরন কলেজ, শিলচরগী মণিপুরী মশঙদা এসিস্টেন্ট প্রোফেসার ওইনা থবক তৌরি। সাহিত্য একাদেমি এৱার্দ-২০১৪, সাহিত্য অকাদেমি ত্রান্সলেসন প্রাইজ-২০১৭ অমদি অতৈ মনা কয়া ফংখ্রব অইবনি। থোয়দোক হেন্দোকনা পনবা য়াবদি ঙশিফাওবদা মণিপুরীদা সাহিত্য একাদেমিগী মনা অহুম ফংলবা অইব নাওরেম বিদ্যাসাগর খক্তনি।

Post a Comment

0 Comments