ঙসি

কাছারগী তোলেনখুনদা পাঙথোকখিবা সোকর তোর্নামেন্তা ইউনিক ক্লাবনা চেম্পীয়ন ওইখ্রে।

লখিপুরওনলাইন দিজিতেল দেস্কঃ ২শুবা লেইট ঙাঙোম নীলসিং অমসুং লৈখম দেবী মেমোরিয়েল ফাইভ মেন সোকর তোর্নামেন্ত কাম সেলেক্সন অফ কাছার দিস্ট্রিক আন্দার ২০ ইয়ারস্ , হায়রিবা তোর্নামেন্ত অসিগী ঙরাং শান্নখিবা ফাইনেল মেচতা ইউনিক ক্লাবনা চেম্পীয়ন ওইখ্রে। য়ং ফার্মারস্ ক্লাব তোলেনখুনা য়ুম্বু ওইরগা আসাম সোকর ফুটসল এসোসিয়েসন হেদক্বাতর লখিপুরগী লমজিং মখাদা কাছার দিস্ট্রিক ফুটসল এসোসিয়েসননা শিল্লাংদুনা লখিপুর সাবদিবিজনগী মনুং চনবদা তোলেনখুনদা পাঙথোকখিবা তোর্নামেন্ত অসিগী ফাইনেলদা ইউনিক ক্লাবনা খুমন ক্লাবপু টাইব্রেকতা পান্জল ২ - ০ দা থোইখি। 
শান্নবা অসিগী অহানবা সেমিফাইনেলদা খুমন্ ক্লাবনা ফুটসল তীমবু তাইব্রেকতা পানজল ২ -১ দা থোইখি অদুগা অনিশুবা সেমিফাইনেল মেচতা ইউনিক ক্লাবনা ফাইভ ব্রাদর্সপু ১ - ০ দা মাইথিবা পীখি। তোর্নামেন্ত অসিগী ঙরাং পাঙথোকখিবা মনা মথুম য়েন্থোকপগী থৌরমদা এম ব্রজগোবিন্দ সিংহ প্রেসিদেন্ট আসাম সোকর ফুতসল এসোসিয়েসন হেদক্বাতর লখিপুর অমসুং এ.গৌরগোপাল সিংহ প্রেসিদেন্ট কাছার সোকর ফুতসল এসোসিয়েসন না প্রেসিদিয়াম মেম্বর ওইখি। থৌরমদা সেলুংবা সিংহ এদমিনিস্ত্রেতর ইমানুয়েল রুরেল ক্লিনিক পোয়লাপুলনা চীফ গেস্ত ওইখি অদুগা পিঐইচ মনিধোন সিংহ রিতায়ার্দ মেজর অমসুং তোর্নামেন্তকী দোনর এনজি হেরামনি সিংহ না গেস্ত ওফ ওনর ওইবিখি। চেম্পীয়ন ওইখিবা ইউনিক ক্লাবতা সেল ওইনা লুপা লিসিং ১০ গা লোয়ননা চেম্পীয়ন ত্রোফি অদুগা রানর্স অপ তাখিবা খুমন ক্লাবতা শেল ওইনা লুপা লিসিং ৫ গা লোয়ননা রানর্স আপ ত্রোফি খুৎশিন্নখি। https://youtu.be/6EmUEJ5OrGk

Post a Comment

0 Comments