লখিপুরওনলাইন দিজিতেল দেস্কঃ নুমিৎ হুম্নিগী বরাক তম্পাক্কী খোঙচৎতা আসাম বিধানসভাগী স্পীকর বিশ্বজীৎ দায়মারী ঙরাং অয়ুক কুম্ভীরগ্রাম প্লেন তাফমদা থুংলরবা মতুং, কাছার জিলাগী খাসপুর রাজবারীদা লাকতুনা য়েংশিনখ্রে। মহাক্না লমদম অসিগী পুৱারীগা তৎন থানবা য়াদনা লৈরক্লবা খাসপুরগী অকোয়বা মফমশিং অসি কোয়না য়েংখিবগা লোয়ননা আসাম লৈঙাকনা মসিবু চপচানা ঙাকশেন্নবা হোৎনরগনি হায়বগী থাজবা পীখি। লোয়ননা তম্পাক অসিদা লৈরিবা য়েলহৌমীশিংগী ধর্ম লোন সংস্কৃতি ঙাকতুনা থম্বগী ৱাফমসু মহাক্না ফোঙদোক্লমখি। খোঙচৎ অসিদা মহাক্কা লোয়ননা কাছারগী দিসি কীর্তী জল্লি, হাফলোংগী এমএলএ নন্দিতা গার্লোসা, উধারবন্দকী এমএলএ মিহির কান্তি সোম, লখিপুরগী এমএলএ কৌশিক রায় য়াওখি। https://youtu.be/dD0nNM3kcT0
